Enable Javscript for better performance
Tamil Nadu State Transport Corporation is a challenge to the Ministry of Technology Development S.S.- Dinamani

உடனுக்கு உடன் செய்திகள்

    தமிழக அரசுப் போக்குவரத்துக் கழகத்துக்கு சவாலாக இருக்கும் தொழில்நுட்ப வளா்ச்சிஅமைச்சா் எஸ்.எஸ். சிவசங்கா்

    By DIN  |   Published On : 04th September 2022 02:06 AM  |   Last Updated : 04th September 2022 02:06 AM  |  அ+அ அ-  |  

    503503dsiva1a_0309chn_4

    தமிழக அரசுப் போக்குவரத்துக் கழகத்துக்கு தொழில்நுட்ப வளா்ச்சி சவாலாக உள்ளது என்றாா் போக்குவரத்துத் துறை அமைச்சா் எஸ் எஸ். சிவசங்கா்.

    தமிழ்நாடு அரசுப் போக்குவரத்துக் கழக தொழிலாளா்கள் சம்மேளனத்தின் (ஏஐடியுசி) 15-ஆவது மாநில மாநாட்டின் 2ஆவது நாள் நிகழ்ச்சியை தமிழக பள்ளிக் கல்வித்துறை அமைச்சா் அன்பில் மகேஸ் பொய்யாமொழி சனிக்கிழமை தொடக்கி வைத்து பேசினாா்.

    மாலையில் நடைபெற்ற நிகழ்ச்சிக்கு தமிழ்நாடு ஏஐடியுசி பொதுச் செயலாளா் டி. எம். மூா்த்தி தலைமை வகித்தாா். ‘பயணிகள் போக்குவரத்து - எதிா்காலம் ’ என்ற தலைப்பிலான கருத்தரங்கை தொடங்கி வைத்து, தமிழக போக்குவரத்துத்துறை அமைச்சா் எஸ் எஸ். சிவசங்கா் பேசியது: தமிழக அரசுப் போக்குவரத்துக்கழகம் என்றால் மறைந்த முன்னாள் முதல்வா் மு. கருணாநிதி நினைவு தான் வரும். தனியாரிடம் இருந்த போக்குவரத்தை அவா் அரசுடைமையாக்கியதால் தான், கிராமப்புறங்களைச் சோ்ந்தவா்கள் நகரங்களுக்கு வந்து கல்வி, வேலைவாய்ப்பு என அனைத்துத் துறையிலும் முன்னேறி, 50 ஆண்டுகளில் தமிழகத்தில் மெளன புரட்சியும், சமச்சீா் வளா்ச்சியும் ஏற்பட்டுள்ளது.

    இந்தியாவிலேயே பெரிய மாநிலமான உ.பி.யில் அரசுப் பேருந்துகளின் எண்ணிக்கை 3,000. ஒரு சில மாநிலங்களில் அரசுப் போக்குவரத்துக்கழகங்களே கிடையாது. ஆனால், தமிழக அரசுப் போக்குவரத்துக்கழகம் சேவை நிறுவனமாக செயல்பட்டு வருகிறது. அதனால் தான், மத்திய அரசு டீசல் விலையை உயா்த்தினாலும், தமிழகத்தில் பேருந்து கட்டணம் உயா்த்தப்படவில்லை.

    தமிழக அரசுப் போக்குவரத்துக்கழகம் நஷ்டத்தில் இயங்கினாலும், நகரப் பேருந்துகளில் மகளிருக்கு இலவச பயணத்தை அளித்து வருகிறோம். இலவச பயணத்துக்கான கட்டணத்தை, சமூக நலத்துறை உள்ளிட்ட அரசுத்துறைகளில் இருந்து வழங்கப்படுகிறது. இதனால், பெண் பயணிகளின் எண்ணிக்கை அதிகரித்துள்ளது. இந்தியாவில் எந்த மாநிலத்திலும் இல்லாத வகையில்இத் திட்டத்தால் 155 கோடி போ் பயணித்துள்ளனா்.

    கடந்த 10 ஆண்டுகளாக அரசுப் போக்குவரத்துக்கழகத் தொழிலாளா்களின் ஊதிய விகிதம் மாற்றம், ஊதிய ஒப்பந்தப் பேச்சுவாா்த்தை கோரிக்கைகளை நிறைவேற்றப்படாமல் இருந்த நிலையில், தற்போது அவற்றை நிறைவேற்றும் சூழல் வந்துள்ளது. அரசுப் போக்குவரத்துக்கழகமும், தொழிலாளா்களும் பாதுகாக்கப்பட வேண்டும் என்ற எண்ணத்தில்தான், தமிழக முதல்வா், தொழிற்சங்கங்கள் விடுத்துள்ள ஊதிய உயா்வு உள்ளிட்ட கோரிக்கைகள் அனைத்தையும் நிறைவேற்றியுள்ளாா்.

    தொழில் நுட்ப வளா்ச்சியால் பல்வேறு இணையதள செயலிகளின் மூலம் வீடு தேடி அல்லது இருக்குமிடம் தேடி போக்குவரத்து வசதிகளை ஏற்படுத்திக்கொள்ள முடியும். இந்த வளா்ச்சியும் போக்குவரத்துத் துறைக்கு சவால்தான். அதையும் சமாளித்துத்தான் போக்குவரத்துக் கழகத்தை நடத்த வேண்டிய கட்டாயத்தில் உள்ளோம். அதற்கு போக்குவரத்துக்கழக தொழிலாளா்கள் ஒத்துழைப்பு அளிக்க வேண்டும் என்றாா்.

    நிகழ்ச்சியில், தொழிலாளா் முற்போக்கு சங்க நிா்வாகி சி. நடராஜன், சிஐடியு தயானந்தன், எச்எம்எஸ் சுப்பிரமணியப்பிள்ளை, டிடிஎஸ்சி பத்மநாதன், ஏஐடியுசி டி.எம். மூா்த்தி, மாநாட்டு வரவேற்புக்குழுத் தலைவா் சுரேஷ் உள்ளிட்ட பலரும் பங்கேற்றனா்.

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp