‘செல்லப் பிராணிகளுக்கு தடுப்பூசி அவசியம்’

செல்லப்பிராணிகளுக்கு கால்நடை மருத்துவா் ஆலோசனைப்படி தடுப்பூசி செலுத்த வேண்டியது அவசியம் என மாவட்ட ஆட்சியா் மா. பிரதீப்குமாா் தெரிவித்தாா்.

திருச்சி மாவட்ட கால்நடைப் பராமரிப்புத் துறை, பிராணிகள் வதை தடுப்புச் சங்கம், மாவட்ட நிா்வாகம் ஆகியவை இணைந்து கால்நடை பராமரிப்புத் துறை மற்றும் பிராணிகள் வதைத் தடுப்பு சங்கம் சாா்பில், தேசிய வேளாண்மை அபிவிருத்தித் திட்டத்தின் கீழ் சிறப்பு வெறிநோய் விழிப்புணா்வு, தடுப்பூசி முகாமை செவ்வாய்க்கிழமை நடத்தின.

புங்கனூா் ஊராட்சி அலுவலகத்தில் நடைபெற்ற முகாமை தொடக்கி வைத்து ஆட்சியா் மா. பிரதீப்குமாா் பேசியது:

‘வீட்டில் செல்லப்பிராணிகள் வளா்ப்போா் முன்னெச்சரிக்கையோடு, குறிப்பிட்ட காலத்துக்கு ஒருமுறை அவற்றை கால்நடை மருத்துவா்களிடம் காட்டி, வைரஸ் தடுப்பூசி கட்டாயம் செலுத்த வேண்டும்.

சிறப்பு முகாம்கள் மட்டுமல்லாது மாவட்டத்தில் உள்ள அனைத்து கால்நடை மருத்துவமனைகள், கால்நடை மருந்தகங்களில் காலை 8 முதல் பகல் 12 மணி வரை இலவச தடுப்பூசி போடப்படுகிறது. இதைப் பொது மக்கள் பயன்படுத்திக் கொள்ள வேண்டும்.

வீட்டில் வளா்க்கும் செல்லப்பிராணிகளிடம் ஏதாவது மாற்றம் தெரிந்தால், உடனடியாக கால்நடை மருத்துவரை அணுக வேண்டும். தனிமையில் இருக்கும் குழந்தைகளை நாய், பூனைகளோடு விளையாட விட்டுச் செல்ல வேண்டாம். முறையாக செல்லப்பிராணிகளுக்கு தடுப்பூசி போடும் நிலையில் எந்தப் பிரச்னையும் இல்லை. ஆனால், பாதிக்கப்பட்ட விலங்குகள் எச்சிலை வடித்தபடியும், காலை அடிக்கடி நக்கிக் கொண்டும் இருக்கும். அப்படி ஏதாவது தெரியும்பட்சத்தில், உடனடியாக கால்நடை மருத்துவரை அணுக வேண்டும் என்றாா் ஆட்சியா்.

முகாமில் 109 நாய்களுக்கு வெறிநோய் தடுப்பூசி செலுத்தப்பட்டது. இதுதொடா்பாக நடைபெற்ற விழிப்புணா்வு ஓவியப் போட்டியில் வெற்றி பெற்ற 3 மாணவ, மாணவிகளுக்கு ஆட்சியா் பரிசளித்துப் பாராட்டினாா்.

முகாமில் கால்நடைப் பராமரிப்புத் துறை மண்டல இணை இயக்குநா் எஸ்தா் ஷீலா, நோய் புலனாய்வு பிரிவு உதவி இயக்குநா் எஸ். சுகுமாா், கால்நடை பராமரிப்பு துறை உதவி இயக்குநா் வெ. கணபதி பிரசாத் ஆகியோா் பேசினா். ஸ்ரீரங்கம் எம்எல்ஏ எம். பழனியாண்டி, கால்நடை மருத்துவா்கள் எஸ். விஜயராஜன், ஏ. இன்பச்செல்வி, த. சுப்ரமணியன், எம்.கோமதி, கால்நடை ஆய்வாளா்கள் சி.கோமதி, கே. செல்வராணி, என்.விநாயகமூா்த்தி உள்ளிட்டோா் கலந்து கொண்டனா். ஏராளமான பொதுமக்கள் தங்களது வளா்ப்புப் பிராணிகளுக்கு தடுப்பூசி செலுத்திக் கொண்டனா்.