திருச்சி சந்திப்பு ரயில் நிலைய வளாகத்தில் செவ்வாய்க்கிழமை அஞ்சல் ஊழியா்கள் சாா்பில் வரையப்பட்ட தோ்தல் விழிப்புணா்வு ரங்கோலி கோலத்தை பாா்வையிட்ட மாவட்ட ஆட்சியா் மா.பிரதீப்குமாா்.
திருச்சி சந்திப்பு ரயில் நிலைய வளாகத்தில் செவ்வாய்க்கிழமை அஞ்சல் ஊழியா்கள் சாா்பில் வரையப்பட்ட தோ்தல் விழிப்புணா்வு ரங்கோலி கோலத்தை பாா்வையிட்ட மாவட்ட ஆட்சியா் மா.பிரதீப்குமாா்.

வாக்குப்பதிவு விழிப்புணா்வு ரங்கோலி

திருச்சி சந்திப்பு ரயில் நிலையத்தில் அஞ்சல் ஊழியா்களின் பங்களிப்புடன் செவ்வாய்க்கிழமை பிரமாண்ட ரங்கோலி வரைந்து வாக்களிப்பதன் அவசியம் குறித்த விழிப்புணா்வு ஏற்படுத்தப்பட்டது.

திருச்சி மத்திய மண்டல அஞ்சல் துறையின் ஊழியா்கள் சுமாா் 200 பேரின் பங்களிப்பில், சந்திப்பு ரயில் நிலையத்தில் உள்ள அஞ்சலகப் பிரிவு அருகே 20-க்கு 20 அடியில் பல வண்ணங்கள் கொண்ட ரங்கோலி வரையப்பட்டது.

வாக்களிப்பதன் அவசியம் குறித்த விழிப்புணா்வு வாசகங்களுடன், வாக்குப்பதிவு இலச்சினையுடன் இந்த ரங்கோலி அமைந்துள்ளது. மேலும், விழிப்புணா்வு போட்டிகளில் வாக்காளா்கள் பங்கேற்கும் வகையிலான ‘க்யூ ஆா்’ கோடும் வரையப் பெற்றுள்ளது. ‘செல்பி’ எடுத்து அனுப்புவதற்கான அழைப்பும் இதில் இடம் பெற்றுள்ளது.

வாக்குப்பதிவு நாளான ஏப்.19-ஆம் தேதியை குறிப்பிட்டு, தகுதியான வாக்காளா்கள் அனைவரும் தவறாமல் வாக்களிக்க வேண்டும் என ஆங்கிலத்திலும், தமிழிலும் வாசகங்கள் இடம்பெற்றுள்ளன.

இந்த ரங்கோலியை, திருச்சி மாவட்ட தோ்தல் அலுவலரும், ஆட்சியருமான மா. பிரதீப்குமாா், மத்திய மண்டல அஞ்சல்துறைத் தலைவா் டி. நிா்மலா தேவி, முதுநிலை அஞ்சலகக் கண்காணிப்பாளா் கிருஷ்ணமூா்த்தி ஆகியோா் பொதுமக்கள் பாா்வையிட திறந்துவைத்தனா்.

ரயில் நிலையத்துக்கு வந்த பயணிகள், என்சிசி, நாட்டு நலப்பணித்திட்ட மாணவ, மாணவிகள், கல்லூரி மாணவா்கள் என ஆயிரக்கணக்கானோா் பாா்வையிட்டனா்.

Related Stories

No stories found.
X
Dinamani
www.dinamani.com