ஸ்ரீ பால ராமா் சிலை பிராண பிரதிஷ்டை மாவட்டத்தில் 420 இடங்களில் சிறப்பு வழிபாடு

அயோத்தியில் ஸ்ரீ ராமா் கோயிலில் மூலவா் ஸ்ரீ பால ராமா் சிலை பிராண பிரதிஷ்டை செய்யப்பட்டதையடுத்து திருச்சி மாவட்டத்தில் 420 இடங்களில் திங்கள்கிழமை சிறப்பு வழிபாடு மேற்கொள்ளப்பட்டது.
திருச்சி பீமநகா் செடல் மாரியம்மன் கோயிலில் திங்கள்கிழமை அயோத்தியில் நடைபெற்ற ஸ்ரீ பால ராமா் சிலை பிராண பிரதிஷ்டை விழாவை தொலைக்காட்சியில் பாா்வையிட்ட பொதுமக்கள்.
திருச்சி பீமநகா் செடல் மாரியம்மன் கோயிலில் திங்கள்கிழமை அயோத்தியில் நடைபெற்ற ஸ்ரீ பால ராமா் சிலை பிராண பிரதிஷ்டை விழாவை தொலைக்காட்சியில் பாா்வையிட்ட பொதுமக்கள்.

அயோத்தியில் ஸ்ரீ ராமா் கோயிலில் மூலவா் ஸ்ரீ பால ராமா் சிலை பிராண பிரதிஷ்டை செய்யப்பட்டதையடுத்து திருச்சி மாவட்டத்தில் 420 இடங்களில் திங்கள்கிழமை சிறப்பு வழிபாடு மேற்கொள்ளப்பட்டது.

திருச்சி மாநகா் மாவட்ட பாஜக சாா்பில் உறையூா், பீமநகா், அரியமங்கலம், கிராப்பட்டி, பொன்மலை ஆகிய 5 இடங்களில் அயோத்தியில் நடைபெற்ற விழா தொலைக்காட்சி மூலம் நேரடியாக ஒளிபரப்பு செய்யப்பட்டது. அப்போது அவா்கள், ஜெய் ஸ்ரீராம் என முழக்கங்கள் எழுப்பி வழிபட்டனா். தொடா்ந்து, அனைவருக்கும் இனிப்புகளும், அன்னதானமும் வழங்கப்பட்டது.

தொடா்ந்து, பாஜக, இந்து அமைப்புகள், நகா் நலச் சங்கங்கள் சாா்பில் கோயில்கள், பொதுஇடங்கள் என 100க்கும் மேற்பட்ட இடங்களில் சிறப்பு பூஜைகள் செய்யப்பட்டு, வழிபாடு நடத்தப்பட்டது. இதில் மாவட்ட தலைவா் ராஜசேகா் தல தலைமையில் திரளான பாஜக நிா்வாகிகள் கலந்து கொண்டனா்.

இதே போல, மாவட்டத்தில் துறையூா், தொட்டியம் பகுதியில் அயோத்தி விழா தொலைக்காட்சி மூலம் நேரடி ஒளிபரப்பு செய்யப்பட்டது. தொடா்ந்து, 320 கோயில்கள், பொதுஇடங்களில் சிறப்பு பூஜைகள் செய்யப்பட்டு, வழிபாடு நடத்தப்பட்டது. 15 க்கும் மேற்பட்ட இடங்களில் அன்னதானம் வழங்கப்பட்டது. இதில் மாவட்டத் தலைவா் அஞ்சாநெஞ்சன் தலைமையில் திரளான பாஜக நிா்வாகிகள் கலந்து கொண்டனா்.

மேலும், மாவட்டத்தில் பல்வேறு இடங்களில் பொதுமக்கள் தங்களது வீடுகளில் விளக்கேற்றி ராமரை வரவேற்றனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

Related Stories

No stories found.
Dinamani
www.dinamani.com