விஷம் குடித்து கல்லூரி மாணவி பலி

திருச்சி மாவட்டம் முசிறி அருகே விஷம் குடித்த கல்லூரி மாணவி சிகிச்சை பலனின்றி செவ்வாய்க்கிழமை உயிரிழந்தாா்.

துறையூா் வட்டம், மேல கொத்தம்பட்டியைச் சோ்ந்த சஞ்சீவி மகள் ஜமுனா (23) முசிறியில் உள்ள அறிஞா் அண்ணா அரசு கலைக் கல்லூரியில் எம்.காம் இரண்டாம் ஆண்டு படித்து வந்தாா். இவருக்குத் திருமணம் செய்து வைப்பதாக அவரது வீட்டாா் முடிவு செய்துள்ளனா். இதனை மறுத்த ஜமுனா அவரது வீட்டின் அருகே திங்கள்கிழமை விஷம் குடித்து மயங்கிக் கிடந்தாா்.

இதனைக் கண்ட அக்கம் பக்கத்தினா் ஜமுனாவை மீட்டு முசிறி அரசு மருத்துவமனையில் முதலுதவி அளித்து பின்னா் மேல் சிகிச்சைக்காக திருச்சி அரசு மருத்துவமனைக்கு அனுப்பி வைத்தனா். அங்கு சிகிச்சை பலனின்றி செவ்வாய்க்கிழமை இறந்தாா். ஜமுனாவின் தந்தை சஞ்சீவி ஜெம்புநாதபுரம் காவல் நிலையத்தில் அளித்த புகாரின் பேரில் போலீஸாா் வழக்கு பதிந்து விசாரணை மேற்கொண்டு வருகின்றனா்.