கோயில்களில் புரட்டாசி சனிக்கிழமை வழிபாடு

ஸ்ரீரங்கம் அரங்கநாத சுவாமி கோயிலில் புரட்டாசி மாத சனிக்கிழமையையொட்டி ஏராளமான பக்தா்கள் வழிபட்டனா்.

விழாவையொட்டி ஸ்ரீரங்கம் கோயிலில் ஏராளமான பக்தா்கள் நீண்ட வரிசையில் நின்று அரங்கநாதரை தரிசித்தனா். காலை 6.30 - மதியம் 12 மணி வரை,மதியம் 1.30 - 3.30 மணி வரை, மாலை 5.30- இரவு 8.30 மணி வரை மூலஸ்தான சேவை நடைபெற்றது. தரிசனம் முடித்த பக்தா்களுக்கு லட்டு பிரசாதமாக வழங்கபட்டது.இதேபோல இக் கோயிலின் உபக் கோயிலான காட்டழகிய சிங்கபெருமாள் கோயிலிலும் ஏராளமான பக்தா்கள் தரிசித்தனா்.