மருத்துவக் கட்டமைப்பில் முதலிடத்தை நோக்கி தமிழகம்! அமைச்சா் மா. சுப்பிரணியன் பேச்சு

மருத்துவக் கட்டமைப்பில் இந்தியாவிலேயே முதலிடத்தை நோக்கி தமிழகம் வேகமாக முன்னேறி வருகிறது என மக்கள் நல்வாழ்வுத் துறை அமைச்சா் மா. சுப்பிரமணியன் தெரிவித்தாா்.

திருச்சி மாவட்டத்தில் ரூ. 5.24 கோடி மதிப்பீட்டில் 12 இடங்களில் ஆரம்ப சுகாதார மையங்களுக்கு புதிய கட்டடங்களை நகராட்சி நிா்வாகத்துறை அமைச்சா் கே.என். நேரு திருச்சி அரசு மருத்துவமனை வளாகத்தில் இருந்தபடி காணொலி வாயிலாகத் திறந்து வைத்தாா். இவ்விழாவில், திருச்சி மாநகராட்சியைச் சோ்ந்த 2 ஆயிரம் பேருக்கு பட்டா மற்றும் 163 பேருக்கு ரூ.1.5 கோடி நலத்திட்ட உதவிகளை வழங்கி அமைச்சா் மா. சுப்பிரமணியன் பேசியது:

தமிழகத்தில் 2 ஆயிரத்து 500-க்கும் மேற்பட்ட மருத்துவமனையின் பழைய கட்டடங்களுக்கு மாற்றாக புதிய கட்டடங்கள் கட்டப்பட்டு மக்கள் பயன்பாட்டுக்கு அா்ப்பணிக்கப்பட்டு வருகிறது. இந்த வகையில் திருச்சி மாவட்டத்தில் ரூ. 5.24 கோடி மதிப்பீட்டில் 12 புதிய மருத்துவ கட்டடங்கள் திறக்கப்பட்டு தற்போது பயன்பாட்டுக்கு வந்துள்ளன. தமிழகத்தில் 708 இடங்களில் நகா்ப்புற சுகாதார நல மையங்கள் ஏற்படுத்த முதல்வா் மு.க.ஸ்டாலின் உத்தரவிட்டாா். இதனைத் தொடா்ந்து கடந்தாண்டு மட்டும் 500 மருத்துவமனைகள் பயன்பாட்டுக்கு வந்துள்ளன. திருச்சி மாவட்டத்தில் இந்த வகையில் 25 மருத்துவமனைகள் வந்துள்ளன. ஸ்ரீரங்கத்தில் 150 ஆண்டு கால அரசு மருத்துவமனை செயல்பட்டு வருகிறது. விரைவில் இங்கு புதிய மருத்துவமனை கட்டடங்கள் கட்டுவதற்கு முடிவு செய்யப்பட்டுள்ளது. திருச்சி அரசு மருத்துவமனைக்கு ரூ. 2 கோடி 93 லட்சம் மதிப்பீட்டில் மமோகிராம், யுரோஸ்கோப்பி கருவி மக்கள் பயன்பாட்டிற்கு வந்துள்ளது. தற்போது திருச்சி அரசு மருத்துவமனையில் ரூ. 110 கோடி மதிப்பீட்டில் 6 தளங்களுடன் கூடிய சிறப்பு சிகிச்சை பிரிவுக்கான புதிய கட்டடங்கள் கட்டப்பட்டு வருகிறது. கடந்த 3 ஆண்டுகளில் தமிழகத்தில் உள்ள ஆரம்ப சுகாதார நிலையங்களில் 545 மருத்துவமனைகளுக்கு தேசிய தர உறுதிச் சான்றிதழ் விருது வழங்கப்பட்டுள்ளது. ஆனால், கடந்த அதிமுக ஆட்சியில் 7 ஆண்டுகளில் 69 விருதுகளை மட்டுமே பெற்றது. இதேபோல, மகப்பேறு மருத்துவம், தாய்-சேய் மருத்துவ சேவைப் பிரிவில் மத்திய அரசு வழங்கும் லட்சயா விருது பெறுவதில் முன்னோடியாக உள்ளது. கடந்த 3 ஆண்டுகளில் 55 லட்சயா விருதுகளை தமிழகம் பெற்றுள்ளது. மருத்துவக் கட்டமைப்பில் தமிழகம் இந்தியாவிலேயே முதலிடத்தை நோக்கி விரைந்து செல்கிறது என்றாா்.

விழாவுக்கு ஆட்சியா் மா. பிரதீப்குமாா் தலைமை வகித்து திருச்சி மாவட்டத்தில் திறக்கப்பட்டுள்ள புதிய கட்டடங்களின் விவரங்களை பட்டியிலிட்டாா். முன்னதாக மருத்துவ துணை கண்காணிப்பாளா் அருண்ராஜ் வரவேற்றாா். விழாவில், மேயா் மு. அன்பழகன், மாநகராட்சி ஆணையா் வே.சரவணன், மருத்துவமனை டீன் அா்ஷியா பேகம், நகா் நல அலுவலா் மணிவண்ணன் மற்றும் எம்எல்ஏ-க்கள், உள்ளாட்சிப் பிரதிநிதிகள் என பலா் கலந்து கொண்டனா்.