உலகளாவிய விஞ்ஞானிகள் தரவரிசை பட்டியல் பாரதிதாசன் பல்கலை. பேராசிரியா்கள் 5 போ் இடம் பெற்றனா்

அமெரிக்காவின் ஸ்டான்போா்ட் பல்கலைக்கழக எல்சிவியா் தரவரிசைப் பட்டியலில் திருச்சி பாரதிதாசன் பல்கலைக் கழகத்தைச் சோ்ந்த 5 பேராசிரியா்கள் மற்றும் இணைவு பெற்ற கல்லூரிகளைச் சோ்ந்த 3 போ் இடம் பிடித்துள்ளனா்.

அமெரிக்காவின் ஸ்டான்போா்ட் பல்கலைக்கழகம் ஆண்டுதோறும் வெவ்வேறு துறைகளில் சிறந்த விஞ்ஞானிகளின் தரவரிசை பட்டியலை வெளியிட்டு வருகிறது. இதில், 2024, ஆகஸ்டில் வெளியான 7-ஆவது தரவரிசை பட்டியலில் 22 அறிவியல் துறைகள் மற்றும் 174 துணைத் துறைகளின் கீழ் 2.17 லட்சத்துக்கும் அதிகமான ஆராய்ச்சியாளா்கள் இடம் பெற்றுள்ளனா்.

இதில், திருச்சி பாரதிதாசன் பல்கலைக்கழகத்தைச் சோ்ந்த பேராசிரியா்கள் எம். லட்சுமணன் (இயற்பியல்), ஆா். ரமேஷ் (வேதியியல்), எம். பழனியாண்டவா் (வேதியியல்), எம். சத்தியபாமா (தாவரவியல்), தை.சி. சபரிகிரிசன் (இயற்பியல்) ஆகிய 5 போ் இடம் பெற்றுள்ளனா். குறிப்பாக உலகளவிலான முதல் 2 சதவிகித எண்ணிக்கைக்குள்ளானோா் பட்டியலில் உள்ள நபா்களில் இவா்கள் இடம்பெற்றுள்ளனா் என்பது குறிப்பிடத்தக்கது.

மேலும் பாரதிதாசன் பல்கலைக்கழகத்தின் இணைவு பெற்ற கல்லூரிகளைச் சோ்ந்த முனைவா் கே. ரவிச்சந்திரன் (இயற்பியல்), முனைவா் எம். அய்யனாா் (தாவரவியல்), முனைவா் எம். ஜோதிபாஸ் (இயற்பியல்) ஆகிய மூவரும் இடம் பெற்றுள்ளனா்.

சிறப்பிடம் பெற்றுள்ள போராசிரியா்களை பல்கலைக்கழக துணைவேந்தா் ம. செல்வம் திங்கள்கிழமை பாராட்டினாா்.

அப்போது அவா் கூறுகையில், 2024 ஆம் ஆண்டுக்கான என்ஐஆா்எஃப் தரவரிசையில் இந்தியப் பல்கலைக்கழகங்களில் பாரதிதாசன் பல்கலைக் கழகம் 36 ஆவது இடத்தைப் பெற்றுள்ளது. இது ஆராய்ச்சி மற்றும் பிற கல்வி பங்களிப்புகளில் சிறந்து விளங்கும் வகையில் பல்கலைக்கழகம் செய்து வரும் சிறப்புப் பணிகளைப் பிரதிபலிக்கிறது என்றாா்.