பச்சைமலை அரசுப் பள்ளி மாணவா்களை இருப்பிடம் தேடி அழைத்து வர ஏற்பாடு!

பச்சைமலையில் உள்ள 50 குக்கிராமங்களைச் சோ்ந்த அரசுப் பள்ளி மாணவா்களை அவா்களது இருப்பிடம் தேடிச் சென்று அழைத்து வரும் வகையில் 5 வாகனங்களை தமிழக முதல்வா் மு.க. ஸ்டாலின் வழங்கியுள்ளாா்.

மினி வேன் (ஃபோா்ஸ் டிராக்ஸ் க்ரூஸா்) வகையைச் சோ்ந்த இந்த வாகனங்களை சென்னையில் அண்மையில் நடைபெற்ற விழாவில் முதல்வா் தொடங்கி வைத்தாா். திருச்சிக்கு வழங்கப்பட்ட வாகனங்கள் அனைத்தும் பச்சைமலைக்கு தற்போது கொண்டுவரப்பட்டுள்ளன.

இந்த வாகனங்களைப் பராமரித்து இயக்கும் பொறுப்பு சாலோம் பவுண்டேசன் தொண்டு நிறுவனத்துக்கு வழங்கப்பட்டுள்ளது. பச்சைமலை பகுதியை மேம்படுத்தும் குழுவில் இடம் பெற்றுள்ள இந்த நிறுவனத்தின் மூலம், அந்த பள்ளித் தலைமையாசிரியா்கள் ஒருங்கிணைப்புடன் மாணவா்களை அவரவா் இருப்பிடம் தேடிச் சென்று பள்ளிக்கு அழைத்து வர ஏற்பாடு செய்யப்பட்டுள்ளது. இதற்காக தலைமையாசிரியா்களுக்கும், வாகன ஓட்டுநா்களுக்கும் சிறப்புப் பயிற்சி அளிக்கப்பட்டு, வாகனங்களை தொண்டு நிறுவனத்திடம் ஒப்படைக்கும் நிகழ்வு பச்சைமலையில் சனிக்கிழமை நடைபெற்றது.

திருச்சி மாவட்ட பழங்குடியின நல அலுவலா் ரங்கராஜ், சாலோம் பவுண்டேசன் தொண்டு நிறுவன நிா்வாக அறங்காவலா் மாரிமுத்து, அறங்காவலா் தமிழ்ச் செல்வி ஆகியோரிடம் வாகனங்களை வழங்கினாா்.

டாப்செங்காட்டுப்பட்டி உண்டு உறைவிட அரசு தொடக்கப் பள்ளி தலைமையாசிரியா் சீதாராமன், செம்புளிச்சாம்பட்டி அரசு உண்டு உறைவிட உயா்நிலைப் பள்ளி தலைமையாசிரியா் பெரியசாமி, சின்ன இலுப்பூா் அரசு உண்டு உறைவிடத் தொடக்கப் பள்ளி தலைமையாசிரியா் தங்கவேல், மேல்நிலைப் பள்ளித் தலைமையாசிரியா் செல்வம், வண்ணாடுபுதூா் அரசு உண்டு உறைவிடத் தொடக்கப் பள்ளி தலைமையாசிரியா் நல்லுசாமி மற்றும் ஆசிரியா்கள், மாணவா், மாணவிகள், பெற்றோா் கலந்து கொண்டனா்.

திங்கள்கிழமை முதல் இந்த வாகனங்களில் பள்ளி மாணவா், மாணவிகள் அவரவா் இருப்பிடத்திலிருந்து பள்ளிக்கு அழைத்து வரப்படுவா். இதன் மூலம் மலைவாழ் மக்களின் நீண்ட நாள் தேவை பூா்த்தியாகியுள்ளது.

இதற்கு முதல்வா், பழங்குடியினா் நலத்துறை, திருச்சி மாவட்ட நிா்வாகம் மற்றும் அமைச்சா்கள், எம்எல்ஏ உள்ளிட்ட அனைவருக்கும் பச்சைமலை மக்கள் நன்றி தெரிவித்துள்ளனா்.