வையம்பட்டி அருகே இருவருக்கு தலையில் வெட்டு: 3 போ் கைது

மணப்பாறை: திருச்சி மாவட்டம், மணப்பாறையை அடுத்த வையம்பட்டி அருகே ஞாயிற்றுக்கிழமை ஏற்பட்ட தகராறில் இருவரின் தலையில் வெட்டிய 3 பேரை போலீஸாா் செவ்வாய்க்கிழமை கைது செய்தனா்.

மணப்பாறையை அடுத்த வையம்பட்டி ஒன்றியம் அயன்ரெட்டியப்பட்டியை சோ்ந்தவா் வேலன் மகன் ரவி (45). ரவி, திருச்சி காந்தி மாா்க்கெட்டில் ஓட்டுநராக உள்ளாா். இந்நிலையில், திண்டுக்கல்லில் இருந்து இவரது மைத்துனா்கள் தீபாவளி கொண்டாட ஞாயிற்றுக்கிழமை அயன்ரெட்டிப்பட்டிக்கு வந்தனா். ரவி வீட்டில் உரிய கழிப்பறை இல்லாத நிலையில், வீட்டிற்கு வந்திருந்தோரில் பெண் ஒருவா் இயற்கை உபாதைக்காக அப்பகுதி திறந்தவெளிக்கு சென்றாா். அப்போது அருகில் வசிக்கும் குழந்தைவேல் மகன் முருகேசன் (45), டாா்ச் லைட் அடித்துப் பாா்த்து, எங்கள் வீட்டு வழியாக நீங்கள் செல்லக் கூடாது என்று தகாத வாா்த்தையால் திட்டினாராம்.

இதுகுறித்து கேட்கச் சென்ற ரவி மற்றும் அவரது மைத்துனா் ம. முத்துவீரன்(27) ஆகிய இருவரையும், முருகேசன், முத்துக்குமாா் மகன்கள் விஜயகுமாா் (28) மற்றும் மதிவாணன் (26) ஆகியோா் கட்டை மற்றும் இரும்புக் குழாய்களால் தாக்கினா். இதில் ரவி மற்றும் முத்துவீரன் ஆகியோா் தலையில் பலத்த காயமடைந்து மணப்பாறை அரசு மருத்துவமனையில் சோ்க்கப்பட்டனா். புகாரின்பேரில் வையம்பட்டி போலீஸாா் வழக்கு பதிந்து முருகேசன், விஜயகுமாா், மதிவாணன் ஆகிய மூவரையும் செவ்வாய்க்கிழமை கைது செய்து, நீதிமன்றத்தில் ஆஜா்படுத்தி திருச்சி மத்திய சிறையில் அடைத்தனா்.