திருவண்ணாமலை, ஜூலை 23: மங்கலம் அருகே மோட்டார் பைக் மோதியதில் முதியவர் இறந்தார்.
நூக்காம்பாடி கிராமத்தைச் சேர்ந்தவர் கணேசன் (60). இவர் அதே கிராமத்தில் உள்ள தனது மகள் வீட்டுக்கு வெள்ளிக்கிழமை நடந்து சென்றார்.
அப்போது திருவண்ணாமலையில் இருந்து அவலூர்பேட்டை நோக்கி சென்ற மோட்டார் பைக் திடீரென அவர் மீது மோதியது. இதில் பலத்த காயமடைந்த கணேசன் அதே இடத்தில் இறந்தார். மங்கலம் போலீஸார் வழக்குப் பதிவு செய்து விசாரித்து வருகின்றனர்.