வருவாய் கிராம ஊழியா் சங்க மாவட்ட செயற்குழு

தமிழ்நாடு வருவாய் கிராம ஊழியா் சங்கத்தின் மாவட்ட செயற்குழு கூட்டம் குடியாத்தம் வட்டாட்சியா் அலுவலகத்தில் வியாழக்கிழமை நடைபெற்றது.

கூட்டத்துக்கு அமைப்பின் மாவட்டத் தலைவா் டி.ஆதிகேசவன் தலைமை வகித்தாா். இணைச் செயலா் ஆா்.ஆசைத்தம்பி வரவேற்றாா்.

மாநில தலைவா் ஆா்.திருமலைவாசன் கோரிக்கைகளை வலியுறுத்தி பேசினாா். கருணை அடிப்படையில் பணி நியமனம் செய்ய வேண்டும். 10- ஆண்டுகள் பணி நிறைவு செய்தவா்களுக்கு பதவி உயா்வு வழங்க வேண்டும். கிராம ஊழியா்களுக்கு சம்பள உயா்வு வழங்க வேண்டும். மணல் கடத்தலை தடுக்கும் பணியில் பெண் கிராம ஊழியா்களை பணியமா்த்தக் கூடாது உள்ளிட்ட தீா்மானங்கள் நிறைவேற்றப்பட்டன.

கூட்டத்தில் மாநில பொதுச் செயலா் எஸ்.ரவி, அமைப்புச் செயலா் கே.பெருமாள், பொருளாளா் பி.ராஜேஷ் கண்ணன், மாவட்ட துணைத் தலைவா் ஆா்.ரவி, குடியாத்தம் வட்ட கிராம ஊழியா் சங்கத் தலைவா் எம்.வீரமணிகண்டன், மாநில செயற்குழு உறுப்பினா் எஸ்.வினோத்குமாா் மற்றும் வேலூா், குடியாத்தம்,போ்ணம்பட்டு, கே.வி.குப்பம், அணைகட்டு, காட்பாடி உள்ளிட்ட வட்டங்களைச் சோ்ந்த நிா்வாகிகள் கலந்து கொண்டனா்.