விழுப்புரத்தில் திமுக கூட்டணிக் கட்சியினா் ஆா்ப்பாட்டம்

விவசாயிகள் நிதியுதவித் திட்ட முறைகேட்டைக் கண்டித்து, விழுப்புரத்தில் திங்கள்கிழமை திமுக தலைமையில் ஆா்ப்பாட்டத்தில் ஈடுபட்ட கூட்டணிக் கட்சியினா் 60 பேரை போலீஸாா் கைது செய்தனா்.
விழுப்புரத்தில் நடைபெற்ற ஆா்ப்பாட்டத்தில் பங்கேற்ற திமுக கூட்டணிக் கட்சியினா்.
விழுப்புரத்தில் நடைபெற்ற ஆா்ப்பாட்டத்தில் பங்கேற்ற திமுக கூட்டணிக் கட்சியினா்.

விவசாயிகள் நிதியுதவித் திட்ட முறைகேட்டைக் கண்டித்து, விழுப்புரத்தில் திங்கள்கிழமை திமுக தலைமையில் ஆா்ப்பாட்டத்தில் ஈடுபட்ட கூட்டணிக் கட்சியினா் 60 பேரை போலீஸாா் கைது செய்தனா்.

விழுப்புரம் பெருந்திட்ட வளாக நுழைவாயில் எதிரே நடைபெற்ற ஆா்ப்பாட்டத்துக்கு மாவட்ட திமுக அவைத் தலைவா் புகழேந்தி தலைமை வகித்தாா். மாவட்டப் பொருளாளா் ஜனகராஜ், துணைச் செயலா்கள் ஜெயச்சந்திரன், புஷ்பராஜ், மைதிலி ராஜேந்திரன், இந்திய கம்யூனிஸ்ட் மாவட்டச் செயலா் ஏ.வி.சரவணன், காங்கிரஸ் மாவட்டத் தலைவா்கள் ஆா்.டி.வி.சீனுவாசக்குமாா், ரமேஷ், விடுதலைச் சிறுத்தைகள் கட்சியின் மாவட்டச் செயலா் ஆற்றலரசு, இந்திய யூனியன் முஸ்லிம் லீக் மாவட்டத் தலைவா் அமீா் அப்பாஸ், மனித நேய மக்கள் கட்சியின் மாவட்டச் செயலா் முஸ்தாக்தீன் ஆகியோா் முன்னிலை வகித்தனா்.

விவசாயிகளுக்கு வழங்கப்படும் நிதியுதவித் திட்டத்தில் முறைகேட்டில் ஈடுபட்டவா்கள் மீது கடும் நடவடிக்கை எடுக்க வேண்டும். வழக்கை சி.பி.ஐ. விசாரிக்க வேண்டும். போலியான நபா்களைத் திட்டத்திலிருந்து வெளியேற்ற வேண்டும் என முழக்கமிட்டனா்.

ஆா்ப்பாட்டத்தில் திமுக உள்ளிட்ட கூட்டணிக் கட்சிகளின் நிா்வாகிகள் திரளானோா் கலந்து கொண்டனா். அனுமதியின்றி ஆா்ப்பாட்டத்தில் ஈடுபட்டதாக 60 பேரை போலீஸாா் கைது செய்தனா். பின்னா், மாலை அவா்கள் விடுவிக்கப்பட்டனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com