Enable Javscript for better performance
கூடைப்பந்து: இறுதிப்போட்டியில் கடலூர்-விழுப்புரம் அணிகள்- Dinamani

சுடச்சுட

    

    கூடைப்பந்து: இறுதிப்போட்டியில் கடலூர்-விழுப்புரம் அணிகள்

    By கடலூர்,  |   Published on : 14th December 2014 03:28 AM  |   அ+அ அ-   |    |  

    நாகப்பட்டினம், புதுவை மண்டல பாலிடெக்னிக் கல்லூரிகள் அளவிலான கூடைப்பந்து போட்டி கடலூர் அண்ணா விளையாட்டரங்கில் சனிக்கிழமை நடைபெற்றது. போட்டிகளை கடலூர் கிருஷ்ணசாமி நினைவு பாலிடெக்னிக் கல்லூரி முதல்வர் ரமேஷ்பாபு துவக்கி வைத்தார்.

    இதில், கடலூர் கிருஷ்ணசாமி நினைவு பாலிடெக்னிக், வடலூர் விவேகானந்தா பாலிடெக்னிக், நாகப்பட்டினம் வள்ளிவலம் தேசிகன் பாலிடெக்னிக், தூத்தூர் ஸ்ரீனிவாஸா பாலிடெக்னிக், காரைக்கால் பாலிடெக்னிக், விழுப்புரம் சூர்யா பாலிடெக்னிக், ஏழுமலை பாலிடெக்னிக், மயிலாடுதுறை ஏவிசி பாலிடெக்னிக் ஆகிய அணிகள் பங்கேற்று விளையாடின.

    நாக்-அவுட் முறையில் நடைபெற்ற இப்போட்டியில் கடலூர் கிருஷ்ணசாமி பாலிடெக்னிக், விழுப்புரம் ஏழுமலை பாலிடெக்னிக் அணிகள் இறுதிப்போட்டிக்கு முன்னேறின. ஞாயிற்றுக்கிழமை (டிச.14) நடைபெறும் போட்டியில் வெற்றி பெறும் அணி மாநில அளவிலான போட்டிக்குத் தகுதி பெறும்.

    போட்டிக்கான ஏற்பாடுகளை கிருஷ்ணசாமி கல்லூரி உடற்கல்வி இயக்குநர் எஸ்.அருணகிரி செய்திருந்தார். போட்டியின் நடுவர்களாக பி.செல்வராஜ், டி.மீனாட்சிசுந்தரம், எஸ்.செங்குட்டுவன், கே.தர்மராஜ் ஆகியோர் செயல்பட்டனர்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    kattana sevai