சுடச்சுட

    

    வீரட்டானேஸ்வரர் கோயிலில் பிரதோஷ வழிபாடு: இன்று 4ஆவது சோமவார விழா

    By நெய்வேலி,  |   Published on : 12th December 2016 09:21 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    பண்ருட்டி, திருவதிகை வீரட்டானேஸ்வரர் கோயிலில் ஞாயிற்றுக்கிழமை மாலை பிரதோஷ வழிபாடு நடைபெற்றது.
     நிகழ்ச்சியில் சிவன், அம்பாள், நந்திதேவனுக்கு மூலிகைத் திரவியங்களால் சிறப்பு அபிஷேக, ஆராதனை செய்யப்பட்டது. நந்திதேவர் வெள்ளிக் கவச அலங்காரத்தில் பக்தர்களுக்குக் காட்சியளித்தார்.
     அவருக்கு சிறப்பு ஆராதனை நடைபெற்றது. பின்னர் சிவபெருமான்- அம்பாள் ரிஷப வாகனத்தில் உள் புறப்பாடு நடைபெற்றது. திரளான பக்தர்கள் கலந்துகொண்டு தரிசனம் செய்தனர்.
     இன்று 4ஆவது சோமவார விழா: இக் கோயிலில் ஆண்டுதோறும் கார்த்திகை மாதம் சோமவார சிறப்பு வழிபாடு நடைபெறுவது வழக்கம். அதன்படி இந்த ஆண்டு இதுவரை 3 சோமவார நிகழ்ச்சிகள் நடந்து முடிந்துள்ளன. 4ஆவது சோமவார விழா திங்கள்கிழமை நடைபெறுகிறது.
     இதனையொட்டி அன்று மதியம் 2 மணிக்கு வீரட்டானேஸ்வரருக்கு 108 சங்காபிஷேகமும், மாலை 4.30 மணிக்கு சுவாமி, அம்பாள் மற்றும் உற்சவ மூர்த்திகளுக்கு சிறப்பு தீபாராதனையும் நடைபெறுகிறது. மாலை 6 மணிக்கு பெரியநாயகி சமேத வீரட்டானேஸ்வரர் வெள்ளி ரிஷப வாகனத்தில் மாட வீதியில் உலா வரும் நிகழ்ச்சியும் நடைபெறுகிறது.
     கார்த்திகை: திங்கள்கிழமை கார்த்திகை நட்சத்திரத்தை முன்னிட்டு, வீரட்டானேஸ்வரர் கோயிலில் உள்ள முருகப் பெருமான், வள்ளி, தெய்வானையுடன் வெள்ளி மயில் வாகனத்தில் எழுந்தருளுகிறார். ஏற்பாடுகளை கோயில் நிர்வாகம் செய்துள்ளது.
     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai