Enable Javscript for better performance
சிதம்பரம் நகராட்சியில் புகைப்படத்துடன் கூடிய பட்டா பெறுவதற்கு விசாரணைக்கு ஆஜராகாதோர் கவனத்துக்கு- Dinamani

சுடச்சுட

    

    சிதம்பரம் நகராட்சியில் புகைப்படத்துடன் கூடிய பட்டா பெறுவதற்கு விசாரணைக்கு ஆஜராகாதோர் கவனத்துக்கு

    By கடலூர்,  |   Published on : 23rd December 2016 08:32 AM  |   அ+அ அ-   |    |  

    சிதம்பரம் நகராட்சியில் புகைப்படத்துடன் கூடிய பட்டா பெறுவதற்கான விசாரணைக்கு ஆஜராகாதோர், உரிய ஆவணங்களை சமர்ப்பித்து பெற்றுக் கொள்ளலாம் என மாவட்ட ஆட்சியர் த.பொ.ராஜேஷ் தெரிவித்தார்.
     இதுகுறித்து அவர் வெளியிட்டுள்ள செய்திக்குறிப்பு: தமிழக அரசால் மாநகராட்சி மற்றும் நகராட்சிப் பகுதிகளில், வருவாய் பின்தொடர் பணியின் கீழ் வருவாய் பதிவேடுகளில் தற்போது வரையிலான பதிவுகளை சரிசெய்து, நில உரிமையாளர்களுக்கு ஆவணங்களின் அடிப்படையில் பட்டா வழங்கப்பட்டு வருகிறது.
     அதன்படி சிதம்பரம் நகராட்சிக்குள்பட்ட பட்டா பகுதிகளில் கிரையம், பூர்வீகம் மூலம் பாத்தியப்பட்ட வீடுகள், மனைகள், விவசாய நிலங்களுக்கும், நத்தம் புறம்போக்கு நிலத்தில் வீடு கட்டி வசிப்பவர்களுக்கும் புகைப்படத்துடன் கூடிய பட்டா வழங்கப்பட்டு வருகிறது. இப்பணி டிசம்பர் மாதம் முடிவடைகிறது.
     இந்தத் திட்டத்தில் வழங்கப்படும் பட்டாக்கள் இனிவரும் காலங்களில் முக்கிய ஆவணமாகக் கருதப்படும் என்பதால், இதுவரை பட்டா பெறாதவர்கள் தங்களது சொத்துக்குரிய ஆவணங்களை சிதம்பரம் நகர நிலவரித் திட்ட வட்டாட்சியரிடம் ஆஜர்படுத்தி புகைப்படத்துடன் கூடிய பட்டா பெற்றுக்கொள்ளலாம்.
     சிதம்பரம் நகராட்சியில் இதுவரை 9,989 பட்டாக்கள் வழங்கப்பட்டுள்ளன. 920 நபர்கள் விசாரணைக்கு ஆஜராகாததால் பட்டா வழங்கப்படாமல் நிலுவையில் உள்ளது. எனவே, விசாரணைக்கு ஆஜராகாத நபர்கள் உரிய ஆவணங்களுடன் சிதம்பரம் நகர நிலவரித் திட்ட வட்டாட்சியரை அணுகலாம்.
     பொதுமக்கள் சிரமமின்றி விதிகளின் அடிப்படையில் பட்டா பெறவும், இந்தப் பணியை மேற்பார்வை செய்யவும் தனித் துணை ஆட்சியர் (நிலம் எடுப்பு) தினேஷ் நியமனம் செய்யப்பட்டுள்ளார் என ஆட்சியர் அதில் தெரிவித்துள்ளார்.
     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp