கூட்டுறவு மேலாண்மைப் பட்டய பயிற்சிக்கு விண்ணப்பிக்கலாம்

கூட்டுறவு மேலாண்மைப் பட்டயப் பயிற்சிக்கு விண்ணப்பிக்கலாம்.
இதுகுறித்து கடலூர் மண்டலக் கூட்டுறவுச் சங்கங்களின் இணைப் பதிவாளர் சொ.இளஞ்செல்வி வெளியிட்ட செய்திக் குறிப்பு: கூட்டுறவு வங்கி, சங்கங்களில் வேலைவாய்ப்புக்கு முக்கியத் தகுதியான கூட்டுறவு மேலாண்மைப் பட்டயப் பயிற்சி கடலூரில் உள்ள எம்.ஜி.ஆர். கூட்டுறவு மேலாண்மை நிலையத்தில் வழங்கப்படுகிறது. இந்தப் பயிற்சியில் சேர்வதற்கு குறைந்தபட்சம் பிளஸ் 2 தேர்ச்சி பெற்றிருக்க வேண்டும். 9 மாதம் நடைபெறும் பயிற்சியின் முடிவில் வேலைவாய்ப்பு அலுவலகத்தில் பதிவு செய்யக்கூடிய பட்டயச் சான்றிதழ், எம்.எஸ்.ஆபிஸ் கணினி பயிற்சி சான்றிதழ், நகை மதிப்பீடு சான்றிதழ் ஆகியவை வழங்கப்படும்.
பயிற்சிக் கட்டணம்: இதற்கு பயிற்சிக் கட்டணமாக ரூ. 13,800 வழங்க வேண்டும்.
இந்தப் பயிற்சிக்கான விண்ணப்பப் படிவத்தை பயிற்சி நிலையத்தில் ரூ. 100 செலுத்தி பெற்றுக் கொள்ளலாம். நிறைவு செய்யப்பட்ட படிவத்தை ஜூலை 12-ஆம் தேதிக்குள் கடலூர் கடற்கரை சாலையில் அமைந்துள்ள மேலாண்மைப் பயிற்சி நிலையத்தில் சமர்ப்பிக்க வேண்டும். வகுப்புகள் ஜூலை 14-ஆம் தேதி முதல் தொடங்கும். மேலும் விபரங்களுக்கு 04142 - 222619 என்ற தொலைபேசி எண்ணில் தொடர்புக் கொள்ளலாம் என்று அந்தச் செய்திக் குறிப்பில் தெரிவிக்கப்பட்டுள்ளது.