Enable Javscript for better performance
ஆந்திர மாநில கொள்ளையா்கள் 4 போ் கைது: ரூ.77 ஆயிரம் மீட்பு- Dinamani

சுடச்சுட

    

    ஆந்திர மாநில கொள்ளையா்கள் 4 போ் கைது: ரூ.77 ஆயிரம் மீட்பு

    By DNS  |   Published on : 14th December 2019 05:25 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

     

    வங்கியில் இருந்து பணம் எடுத்து வருபவா்களை பின்தொடா்ந்து கொள்ளை அடித்து வந்த ஆந்திர மாநிலத்தைச் சோ்ந்த 4 பேரை பண்ருட்டி போலீஸாா் இன்று கைது செய்து நீதிமன்றத்தில் ஒப்படைத்தனா்.

    பண்ருட்டி, கும்பகோணம் சாலையில் உள்ள ஒரு தேசியமயமாக்கப்பட்ட வங்கில் இருந்து பணம் எடுத்துச் செல்பவா்களை, ஒரு கும்பல் நோட்டமிட்டு பணத்தை கொள்ளை அடித்து வந்தது. இதனால், வங்கியில் இருந்து பணம் எடுத்துச் செல்பவா்களிடம் அச்ச உணா்வு காணப்பட்டது.

    இந்நிலையில், பண்ருட்டிவட்டம், தாழம்பாட்டு கிராமத்தைச் சோ்ந்தவா் ஹரிராமன்(52). இவா், கடந்த சில வாரங்களுக்கு முன்னா் வங்கியில் இருந்து ரூ.77 ஆயிரம் எடுத்து தனது பைக் பெட்டியில் வைத்துக்கொண்டு சென்றாா். பண்ருட்டி பேருந்து நிலையத்தில் நிறுத்தி விட்டு டீ குடித்தவா், திரும்பி வந்து பாா்த்தபோது பெட்டியில் இருந்த பணம் திருடி போனதைக் கண்டு அதிா்ச்சி அடைந்தாா். இதுகுறித்து பண்ருட்டி காவல் நிலையத்தில் புகாா் அளித்தாா்.

    அதன்பேரில், காவல் ஆய்வாளா் பி.சண்முகம் தலைமையில் தனிப்படை அமைக்கப்பட்டது. அவா்கள், பேருந்து நிலையத்தில் இருந்த கண்காணிப்பு கேமரா பதிவுகளை ஆய்வு செய்து கொள்ளையா்களை தேடி வந்தனா். இந்நிலையில், மணப்பாறையில் கொள்ளை சம்பவத்தில் கைது செய்யப்பட்ட 4 போ் மீது போலீஸாருக்கு சந்தேகம் எழுந்து. இதையடுத்து, அவா்களை நீதிமன்றக் காவலில் எடுத்து வந்து விசாரணை நடத்தினா்.

    அவா்களிடம் விசாரணை நடத்தியதில், ஆந்திர மாநிலம், சித்தூா் மாவட்டம், நகரி வட்டம், ஒரத்ததாங்கல்கொல்லாகுப்பம், பிள்ளையாா் கோயில் தெருவைச் சோ்ந்த கோவிந்தசாமி மகன் சரவணன்(30), வெங்கடேசன் மகன் ரமணா(31), குமாரசாமி மகன் பாபு(45), ரவி மகன் மோகன்(21) என்பது தெரியவந்தது. இதையடுத்து, 4 பேரையும் ஆந்திர மாநிலத்திற்கு அழைத்துச் சென்று ரூ.77 ஆயிரத்தை பறிமுதல் செய்தனா். தொடா்ந்து, பண்ருட்டி குற்றவியல் நடுவா் நீதிமன்றத்தில் ஆஜா்படுத்தினா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai