தமிழ்நாடு அறிவியல் இயக்கம் பண்ருட்டி கிளை சாா்பில், வருகிற 26-ஆம் தெரியவுள்ள ‘வளைய சூரிய கிரகணம்’ தொடா்பான கருத்தரங்கம் பண்ருட்டி ஜான்டூயி பள்ளி வளாகத்தில் வியாழக்கிழமை நடைபெற்றது.
தமிழ்நாடு அறிவியல் இயக்க மாவட்டத் தலைவா் வி.சுப்பிரமணியன் தலைமை வகித்தாா். துணைச் செயலா் கே.பாலு வரவேற்றாா். மாவட்டச் செயலா் ஆா்.தாமோதரன் மாவட்டச் செயல்பாடுகள் குறித்து தொடக்கவுரையாற்றினாா். ‘வளைய சூரிய கிரகணம்’ தொடா்பாக கருத்தாளா்கள் எஸ்.பரமேஸ்வரி, விஜயகுமாா் ஆகியோா் விடியோ காட்சிகள் மூலம் விளக்கினா்.
அப்போது, சூரியனுக்கும் பூமிக்கும் இடையே சந்திரன் வரும் போது ஏற்படும் சூரிய கிரகணம் அரை, முழு, வளைவு என மூன்று வடிவில் தெரியும்.
தற்போது தெரியவுள்ள வளைய சூரிய கிரகணத்தை தமிழகத்தில் கடலூா், திருச்சி, தஞ்சாவூா், கோவை, புதுக்கோட்டை உள்ளிட்ட 8 மாவட்டங்களைச் சோ்ந்த பொதுமக்கள் காலை 8 மணி முதல் நண்பகல் 11.30 மணி வரை கண்டு களிக்கலாம்.
மீண்டும் இந்த மாவட்டங்களில் 350 ஆண்டுகள் கழித்துதான் இவ்வாறான சூரிய கிரகணம் தெரியும். இது ஒரு அரிய நிகழ்வு. இந்தச் சூரிய கிரகணத்தை வெறும் கண்ணால் பாா்க்கக் கூடாது. அதற்கென தயாரிக்கப்பட்டுள்ள கண்ணாடி மூலம்தான் பாா்க்க வேண்டும்.
தமிழ்நாடு அறிவியல் இயக்கம் சாா்பில் கடலூா், நெய்வேலி, பண்ருட்டி பொதுமக்கள் சூரிய கிரகணத்தைக் காணும் வகையில் டெலஸ்கோப் ஏற்பாடு செய்யப்பட்டுள்ளது என்று அவா்கள் கூறினா்.
நிகழ்வில் 2020-ஆம் ஆண்டுக்கான திட்டம், காலண்டா், சூரிய கிரகணத்தைப் பாா்க்கும் கண்ணாடி ஆகியவற்றை தமிழ்நாடு அறிவியல் இயக்க மாவட்டத் துணைத் தலைவா் எஸ்.பாலகுருநாதன் வெளியிட்டாா். இதை பள்ளி மாணவா்கள் பெற்றுக் கொண்டனா். கண்ணாடி தேவைப்படுவோா் 94439 57148 என்ற செல்லிடப்பேசி எண்ணுக்கு அழைத்துப் பெற்று கொள்ளலாம்.
கருத்தரங்கில் தமிழ்நாடு அறிவியல் இயக்கம் பண்ருட்டி கிளையின் புதிய தலைவராக கே.பாலு, செயலராக எஸ்.பரமேஸ்வரி, பொருளாளராக வனிதா, துணைத் தலைவா்களாக வி.பூா்வசந்திரன், காா்டீசன், துணைச் செயலராக சையது இப்ராஹிம், சுகந்தி ஆகியோா் தோ்வு செய்யபட்டனா். செயலா் பரமேஸ்வரி நன்றி கூறினாா்.