சிதம்பரம் அருகே கிள்ளை காவல் நிலைய எல்லைக்குள்பட்ட மேலச்சாவடி நான்கு முனைச் சந்திப்பில் ரூ.60 ஆயிரம் மதிப்பில் 3 கண்காணிப்பு கேமராக்கள் அமைக்கப்பட்டுள்ளன. இந்தக் கேமராக்களை சிதம்பரம் டிஎஸ்பி ஆர்.பாண்டியன் தொடக்கி வைத்தார். இவற்றின் மூலம் 15-க்கும் மேற்பட்ட கிராமங்களுக்கு செல்லும் வாகனங்களை கண்காணிக்க முடியும் என டிஎஸ்பி தெரிவித்தார். நிகழ்ச்சியில் கிள்ளை காவல் நிலைய உதவி ஆய்வாளர் இளையராஜா மற்றும் கிராம பிரமுகர்கள் பங்கேற்றனர்.