சுடச்சுட

    

    பள்ளிகளில் கணினி அறிவியலை கட்டாயப் பாடமாக்க வேண்டும்

    By DIN  |   Published on : 09th January 2019 08:25 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    பள்ளிகளில் கணினி அறிவியலை கட்டாயப் பாடமாக்க வேண்டும் என தமிழ்நாடு பி.எட். கணினி அறிவியல் வேலையில்லா பட்டதாரிகள் சங்கம் கோரிக்கை விடுத்தது. 
    இந்தச் சங்கத்தின் கடலூர் மாவட்ட பொதுக்குழு கூட்டம், மாவட்ட செயலர் பொன்னுசாமி தலைமையில் திட்டக்குடியில் அண்மையில் நடைபெற்றது. மாவட்டத் தலைவர் பாலாஜி முன்னிலை வகித்தார். தீர்மானங்களை விளக்கி மாவட்ட பொருளாளர் கு.ராஜ்குமார் பேசினார்.
    கூட்டத்தில், அரசுப் பள்ளிகளில் 6 முதல் 10 வரையிலான வகுப்புகளில் கணினி அறிவியலை கட்டாயப் பாடமாக அறிவிக்க வேண்டும். மேல்நிலை வகுப்புகளில் நடைமுறையில் இருக்கும் கணினி அறிவியல், கணினி பயன்பாட்டியல் மற்றும் தகவல் தொழில்நுட்பவியல் உள்ளிட்ட 3 வகையான பாடங்களை மாணவர்களுக்கு முழுமையாக கற்றுத்தர கணினி ஆசிரியர் காலிப் பணியிடங்களை நிரந்தரமாக்க வேண்டும். புதிதாக தரம் உயர்த்தப்பட்ட மேல்நிலைப் பள்ளிகளில் கணினி அறிவியல் பாடப் பிரிவை உருவாக்கி பி.எட்., முடித்த கணினி ஆசிரியர்களை பணி நியமனம் செய்ய வேண்டும் என்பன உள்ளிட்ட தீர்மானங்கள் 
    நிறைவேற்றப்பட்டன.
     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai