வரதராஜப் பெருமாள் கோயிலில் நாளை திருக்கல்யாணம்

கடலூர் திருப்பாதிரிபுலியூர் வரதராஜப் பெருமாள் கோயிலில் திங்கள்கிழமை திருக்கல்யாணம் நடைபெறுகிறது. 
இந்து சமய அறநிலையத் துறையின் கட்டுப்பாட்டின் கீழ் உள்ள இந்தக் கோயிலில் வருகிற 14-ஆம் தேதி (திங்கள்கிழமை) அதிகாலை 5 மணிக்கு ஸ்ரீகோதைநாச்சியார் சமேத ஸ்ரீவரதராஜப் பெருமாளுக்கு சிறப்பு திருமஞ்சனம் நடைபெறுகிறது. அதனைத் தொடர்ந்து மாலை 7 மணிக்கு ஸ்ரீஆண்டாள்-ஸ்ரீவரதராஜப் பெருமாள் திருக்கல்யாண உத்ஸவம் நடைபெறுகிறது. விழாவுக்கான ஏற்பாடுகளை கோயில் செயல் அலுவலர் ப.முத்துலட்சுமி, தக்கார் கு.சுபத்ரா, எழுத்தர் வி.ஆழ்வார் ஆகியோர் செய்துள்ளனர். இந்த நிகழ்வில் பக்தர்கள் பங்கேற்க வேண்டுமென அழைப்பு விடுக்கப்பட்டுள்ளது.