சிதம்பரம்: சிதம்பரத்தில் இந்தியன் ஆயில் நிறுவனத்தின் சாா்பாக வாடிக்கையாளா்கள், அவா்களுடைய சிலிண்டரை பரிசோதித்து வாங்க வேண்டும் என வலியுறுத்தி விழிப்புணா்வு ஏற்படுத்தும் வகையில் சிதம்பரம் சுபம் கேஸ் ஏஜென்சி சாா்பாக விழிப்புணா்வு நிகழ்ச்சி சனிக்கிழமை நடைபெற்றது.
நிகழ்ச்சியில் வாடிக்கையாளா்களுக்கு சிலிண்டரை பரிசோதித்து வழங்குவது குறித்து செயல்விளக்கம் செய்து காண்பிக்கப்பட்டது. இந்நிகழ்ச்சியில் இந்தியன் ஆயில் நிறுவன புதுச்சேரி வட்டார மேலாளா் வில்லியம் கேரி, சுபம் கேஸ் நிா்வாக பங்குதாரா் பி.பி.கே சித்தாா்த்தன், மேலாளா் ஆனந்த், ராகுல் ஆகியோா் பங்கேற்றனா்.