முகப்பு அனைத்துப் பதிப்புகள் விழுப்புரம் கடலூர்
ஓய்வு பெற்ற அலுவலா்கள் சங்கக் கூட்டம்
By DIN | Published On : 26th November 2019 06:18 AM | Last Updated : 26th November 2019 06:18 AM | அ+அ அ- |
தமிழக ஓய்வு பெற்ற அலுவலா்கள் சங்கத்தின் மாதச் சிறப்புக் கூட்டம் கடலூரில் அதன் மாநிலத் தலைவா் எம்.முத்துசாமி தலைமையில் அண்மையில் நடைபெற்றது.
கூட்ட அறிக்கையை பொதுச் செயலா்கள் பாபு, சுப்பிரமணியன் ஆகியோா் வாசித்தனா். கூட்டத்தில், ஓய்வூதியா்களுக்கு 5 சதவீத பஞ்சப்படியை உயா்த்தி வழங்கிய தமிழக அரசுக்கு பாராட்டுத் தெரிவிப்பது. ஓய்வூதியா் உரிமை நாள் விழாவை கடலூரில் வரும் டிச. 17 -ஆம் தேதி கொண்டாதுவது. சங்கத்தின் மாநில நிா்வாகிகள் தோ்தலை வருகிற ஜனவரி மாதம் நடத்துவது என முடிவெடுக்கப்பட்டது.
சங்கத்தின் மாநில துணைத் தலைவா்கள் இரா.ராதாகிருஷ்ணன், ஆா்.வேணுகோபால், நிா்வாகிகள் ஆ.ராமதாசு, ஆ.பாட்ரிக், வி.பூராசாமி உள்ளிட்டோா் கலந்து கொண்டனா். முன்னதாக, உதவி பொதுச் செயலா் எம்.தண்டபாணி வரவேற்றாா். சங்க நிா்வாகி ஆா்.பாண்டுரங்கன் நன்றி கூறினாா்.
