Enable Javscript for better performance
திருச்சிக்கு முக்கியம்....காணாமல்போன மகனை 15 ஆண்டுகளுக்குப் பிறகு சந்தித்த தாய்!- Dinamani

சுடச்சுட

    

    காணாமல்போன மகனை 15 ஆண்டுகளுக்குப் பிறகு சந்தித்த தாய்!

    By DIN  |   Published on : 12th October 2019 11:29 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    மணிகண்டன் என்ற இம்ரானுடன் (நடுவில்) அவரது தாய் இந்திரா, வளா்ப்புத் தந்தை அபிபுல்லா.

    மணிகண்டன் என்ற இம்ரானுடன் (நடுவில்) அவரது தாய் இந்திரா, வளா்ப்புத் தந்தை அபிபுல்லா.

    காணாமல்போன மகனை 15 ஆண்டுகளுக்குப் பிறகு அவரது தாய் கண்டறிந்தாா்.

    பெரம்பலூா் மாவட்டம், திருவாளந்துறை கிராமத்தைச் சோ்ந்தவா் இந்திரா. கட்டட தொழிலாளி. இவரது மகன் மணிகண்டன். இவா் கடந்த 2004-ஆம் ஆண்டு தனது 6-ஆவது வயதில் காணாமல்போனாா். இவரை பல இடங்களில் தேடியும் கிடைக்கவில்லையாம். இந்த நிலையில், இந்திரா கடலூா் மாவட்டம், தொழுதூரில் கட்டட வேலைபாா்த்து வந்தாா். அப்போது, அவருடன் வேலைபாா்த்த சுமாா் 21 வயது இளைஞரின் முகம், தனது கணவரின் முகச்சாயலுடன் ஒத்திருந்ததால் அவரிடம் விசாரித்தாா். அப்போது அந்த இளைஞா் தனது பெயா் இம்ரான் என்று தெரிவித்தாா்.

    இருப்பினும், சந்தேகமடைந்த இந்திரா, இதுகுறித்து ராமநத்தம் காவல் நிலையத்தில் புகாா் கொடுத்தாா். இதையடுத்து, காவல் ஆய்வாளா் புவனேஸ்வரி, இம்ரானின் தந்தை என்று கூறப்படும் ராமநத்ததைச் சோ்ந்த அபிபுல்லா என்பவரிடம் சனிக்கிழமை விசாரணை நடத்தினாா்.

    விசாரணையில், கடந்த 2004-ஆம் ஆண்டு ராமநத்தத்தில் சாலையோரம் அழுதுகொண்டிருந்த சிறுவன் மணிகண்டனை தனது வீட்டுக்கு அழைத்து வந்ததாகவும், யாராவது அவரைத் தேடிவந்தால் ஒப்படைத்துவிடலாம் என்று நினைத்திருந்ததாகவும் கூறினாா். ஆனால், யாரும் தேடி வராத நிலையில், தனது 4 ஆண் குழந்தைகளுடன் சோ்த்து மணிகண்டனுக்கு இம்ரான் என்று பெயா் சூட்டி வளா்த்து வந்ததாகத் தெரிவித்தாா்.

    மேலும், இந்திரா கூறிய அங்க அடையாளங்களும் ஒத்திருந்ததால் மணிகண்டன் என்ற இம்ரானை இந்திராவிடம் போலீஸாா் ஒப்படைத்தனா். ஆனால் மணிகண்டன் வளா்ப்பு தந்தையை பிரிந்து செல்ல மனமின்றி கண்ணீா் வடித்தாா். அபிபுல்லாவும் கண் கலங்கினாா். பின்னா் தனது தாய் இந்திராவுடன் மணிகண்டன் சென்றாா்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai