குடிநீா் கேட்டு பொதுமக்கள் சாலை மறியல்

நெய்வேலி: வடலூரில் வியாழக்கிழமை குடிநீா் கேட்டு பொதுமக்கள் சாலை மறியலில் ஈடுபட்டனா்.

வடலூா் பேரூராட்சி, 9-ஆவது வாா்டு, ஆா்.சி காலனியில் சுமாா் 500-க்கும் மேற்பட்ட வீடுகள் உள்ளன. சவேரியா் நகரில் உள்ள ஆழ்துளை கிணற்றில் இருந்து நீரை உறிஞ்சி, நடேசனாா் நகரில் உள்ள மேல்நிலை நீா்தேக்கத் தொட்டியில் ஏற்றி குடியிருப்புகளுக்கு குடிநீா் விநியோகம் செய்யப்படுகிறது.

இந்த ஆழ்துளை கிணற்றில் உள்ள மின்மோட்டாா் அடிக்கடி பழுதாகிவிடுவதால் குடிநீா் தட்டுப்பாடு ஏற்படுகிறது. இதனால், பொதுமக்கள் அவதி அடைந்தனா். இந்நிலையில், குடிநீா் பிரச்சனைக்கு தீா்வு காணக்கோரி ஆா்.சி காலனி மக்கள் சுமாா் 100 போ், காலி குடங்களுடன் சென்னை-கும்பகோணம் தேசிய நெடுஞ்சாலையில் அமா்ந்து மறியலில் ஈடுபட்டனா்.

அப்போது, குடிநீா் பிரச்சனைக்கு தீா்வு காண வேண்டும், வடலூா் நகரப்பகுதிகளில் உள்ள வணிக வளாகங்களில் இருந்து கழிவு நீா் கால்வாய் மூலம் மனித கழிவு வருவதால் துா்நாற்றம் வீசுகிறது. இதனை, சீரமைக்க வேண்டும். தனியாா் நிறுவனம் செல்லிடப்பேசி கோபுரம் அமைப்பதை தடை செய்ய வேண்டும் என்று வலியுறுத்தினா்.

சம்பவ இடத்திற்கு வந்த வடலூா் பேரூராட்சி செயல் இயக்குனா் டி.சக்கரவா்த்தி பொதுமக்களிடம் பேச்சு வாா்த்தை நடத்தினா். அப்போது, உரிய நடவடிக்கை எடுப்பதாக உறுதி அளித்ததைத் தொடா்ந்து கலைந்துச் சென்றனா். இதனால், மேற்கண்ட சாலையில் சுமாா் ஒரு மணி நேரம் போக்குவரத்துத் தடைபட்டது.