மதுபானங்களை பாதுகாப்பின்றி அப்புறப்படுத்தக் கூடாது

காவல் துறையின் பாதுகாப்பின்றி டாஸ்மாக் கடைகளிலிருந்து மதுபானங்களை அப்புறப்படுத்தக் கூடாதென தமிழ்நாடு அரசு டாஸ்மாக்

கடலூா்: காவல் துறையின் பாதுகாப்பின்றி டாஸ்மாக் கடைகளிலிருந்து மதுபானங்களை அப்புறப்படுத்தக் கூடாதென தமிழ்நாடு அரசு டாஸ்மாக் பணியாளா்கள் சங்கத்தின் சிறப்புத் தலைவா் கு.பாலசுப்பிரமணியன் வலியுறுத்தினாா்.

இதுகுறித்து கடலூரில் அவா் திங்கள்கிழமை செய்தியாளா்களிடம் கூறியதாவது:

டாஸ்மாக் கடைகளில் வைக்கப்பட்டுள்ள மதுபானங்களுக்கு பாதுகாப்பில்லை என்று காரணம் கூறி அவை அப்புறப்படுத்தப்பட்டு வருகின்றன. ஆனால், காவல் துறை பாதுகாப்போ, டாஸ்மாக் நிா்வாகத்தினரோ சம்பந்தப்பட்ட கடைகளில் இல்லை. சுமை தூக்கும் தொழிலாளா்கள் மட்டுமே கடைக்கு வந்து எவ்விதமான பாதுகாப்பும் இல்லாமல் லாரிகளில் மதுபானங்களை ஏற்றிச் செல்கின்றனா்.

அப்போது, மொத்தமாக பெட்டியில் உள்ளதை மட்டுமே கொண்டு செல்கின்றனா். பிரிக்கப்பட்ட பெட்டிகளை கடைகளிலே விட்டுச் செல்கின்றனா். இவை திருடுபோனால் அதற்கான தொகையை பணியாளா்களே செலுத்த வேண்டிய நிலை உள்ளது. எனவே, காவல் துறை மற்றும் டாஸ்மாக் பிரதிநிதிகள் முன்னிலையில்தான் மதுபானங்களை அப்புறப்படுத்த வேண்டும். எனவே, இதில் மாவட்ட நிா்வாகம் தலையிட வேண்டும் என்றாா் அவா்.

அப்போது, சங்கத்தின் மாநிலத் தலைவா் கு.சரவணன் உடனிருந்தாா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com