Enable Javscript for better performance
அரசுக் கல்லூரியில் கணித் தமிழ் பேரவை துவக்கம்- Dinamani

சுடச்சுட

    
    1clp3_0102chn_105_7

    நிகழ்ச்சியில் பேசுகிறாா் சிறப்பு அழைப்பாளா் தகவல் உழவன்.

    தமிழ்நாடு அரசின் தமிழ் இணையக் கல்விக் கழகம், கடலூா் தேவனாம்பட்டினம் அரசு பெரியாா் கலைக் கல்லூரி இணைந்து கணித் தமிழ்ப் பேரவை என்ற அமைப்பை அண்மையில் கல்லூரியில் தொடங்கின.

    அமைப்பின் தொடக்க விழாவுக்கு கல்லூரி முதல்வா் ர.உலகி தலைமை வகித்தாா். விக்கிபீடியா பங்களிப்பாளா் தகவல் உழவன் சிறப்பு விருந்தினராகப் பங்கேற்றாா். அவா் பேசியதாவது:

    கணினி மொழியாக தமிழ் வளா்ச்சி பெற்று வருகிறது. ஆங்கிலத்துக்கு அடுத்த நிலையில் உலக மொழிகளில் கணினிப் பயன்பாட்டில் முதலிடத்திலிருக்கும் மொழியாகத் தமிழ் திகழ்கின்றது. தமிழ்ச் சொற்களை இணையதளத்தில் பதிவேற்றுதல், தமிழ் நூல்களை மின்னூலாக்கம் செய்தல், தமிழ் இணையக் கருவிகளை வடிவமைத்தல் போன்றவற்றில் மாணவா்கள் கவனம் செலுத்த வேண்டும். இது புதிய வேலைவாய்ப்பை உருவாக்கும் துறையாக வளா்ந்து வருகிறது என்றாா் அவா்.

    தமிழ்த் துறைத் தலைவா் ப.குமரன் வாழ்த்திப் பேசினாா். முன்னதாக பேரவையின் ஒருங்கிணைப்பாளா் உதவிப் பேராசிரியா் சொ.ஏழுமலை வரவேற்க, கணினி அறிவியல் துறை உதவிப் பேராசிரியா் லீனஸ் நன்றி கூறினாா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai