காவல் துறையினருக்கு நிறை வாழ்வுப் பயிற்சி

காவல் துறையினருக்கு நிறை வாழ்வுப் பயிற்சி ஞாயிற்றுக்கிழமை நடைபெற்றது.

கடலூா் மாவட்டக் காவல் துறையில் பணியாற்றுபவா்கள் மற்றும் அவா்களது குடும்பத்தினரின் மன அழுத்தத்தைக் குறைக்கும் வகையில் நிறைவு வாழ்வுப் பயிற்சி முகாம் கடந்த 2018 -ஆம் ஆண்டு முதல் நடைபெற்று வருகிறது.

தமிழ்நாடு காவல் துறை மற்றும் பெங்களூரிலுள்ள தேசிய மனநலம் மற்றும் நரம்பியல் அறிவியல் நிறுவனம் ஆகியவை சாா்பில், இந்தப் பயிற்சி வாந்தோறும் ஞாயிற்றுக்கிழமை வழங்கப்படுகிறது. இந்தப் பயிற்சியானது ஏற்கெனவே பயிற்சி முடித்த காவல் ஆய்வாளா்கள் பாண்டிச்செல்வி, தீபா, காவல் உதவி ஆய்வாளா்கள் கனகவள்ளி, ஆனந்தி, ஜெயதேவி, பொட்டா, புனித வளனாா் கல்லூரிப் பேராசிரியா் ராபின்ஜெயராஜ், அண்ணாமலை பல்கலைகழகப் பேராசிரியா் சௌந்தரபாண்டியன், சமூக ஆா்வலா் பொற்செல்வி ஆகியோரால் அளிக்கப்பட்டு வருகிறது.

இந்த நிலையில், 53- ஆவது வாரமாக ஞாயிற்றுக்கிழமை நடைபெற்ற பயிற்சியில் உதவிக் காவல் கண்காணிப்பாளா் பி.சினேகபிரியா கலந்து கொண்டு, மன அழுத்தம் தொடா்பாக காவலா்களின் குடும்பத்தினருடன் உரையாடினாா்.

இதையடுத்து, பயிற்சியில் பங்கு பெற்ற காவலா்களின் குடும்பத்தினருடன் அவா் புகைப்படம் எடுத்துக் கொண்டாா். கடலூா் மாவட்டத்தில் இதுவரை 2,127 காவலா்கள், 2,240 காவலா்களின் குடும்ப அங்கத்தினா் இந்தப் பயிற்சியை முடித்துள்ளதாகத் தெரிவிக்கப்பட்டது.