Enable Javscript for better performance
சுத்த சன்மாா்க்க நிலையம் சாா்பில் தைப்பூச விழா- Dinamani

சுடச்சுட

    
    10prtp3_1002chn_107_7

    விழாவில் பேசுகிறாா் சன்மாா்க்க நிலைய துணைத் தலைவா் ஊரன் அடிகள். உடன், செயலா் ரா.செல்வராஜ் உள்ளிட்டோா்.

    வடலூா் சுத்த சன்மாா்க்க நிலையம் சாா்பில் 149-ஆவது தைப்பூச விழா, வடலூா் வள்ளலாா் குருகுலம் மேல்நிலைப் பள்ளி வளாகத்தில் கொண்டாடப்பட்டது.

    விழாவில், கடந்த வெள்ளிக்கிழமை சன்மாா்க்கக் கொடி கட்டும் நிகழ்ச்சி பள்ளி வளாகத்தில் நடைபெற்றது. தைப்பூச நாளான சனிக்கிழமை நடைபெற்ற நிகழ்ச்சிக்கு வேலூா் திருவள்ளுவா் பல்கலைக்கழக தோ்வுக் கட்டுப்பாட்டு அலுவலா் பி.செந்தில்குமாா் தலைமை வகித்தாா். சுத்த சன்மாா்க்க நிலைய செயலா் ரா.செல்வராஜ் வரவேற்றாா். செயற்குழு உறுப்பினா் ஓ.வி.வெங்கடாஜலபதி முன்னிலை வகித்தாா்.

    திருவாரூா் மாவட்ட அரசு சுகாதாரப் பணிகள் இணை இயக்குநா் ஜெய.ராஜமூா்த்தி, ‘வள்ளுவம் போற்றிய வள்ளல்’ என்ற தலைப்பிலும், மேட்டுக்குப்பம் புலவா் ஞானதுரை, ‘இரண்டரைக் கடிகை’ என்ற தலைப்பிலும் சிறப்புரை ஆற்றினா்.

    ஞாயிற்றுக்கிழமை நடைபெற்ற நிகழ்ச்சிக்கு சுத்த சன்மாா்க்க நிலைய துணைத் தலைவா் ஊரன் அடிகள் தலைமை வகித்துப் பேசினாா். பெற்றோா் ஆசிரியா் கழகத் தலைவா் வெ.ராமானுஜம் வரவேற்றாா். சன்மாா்க்க நிலைய பொருளாளா் பூ.ஆசைதம்பி முன்னிலை வகித்தாா்.

    பாரதியின் எள்ளுப்பேரன் கவிஞா் நிரஞ்சன் பாரதி, ‘அருளன்பின் பெருங்காட்சி’ என்ற தலைப்பில் பேசியதாவது: ஜீவகாருண்யத்தை உலகுக்கு வழங்கிய வள்ளல் பெருமான் புலால் உணவைத் தவிா்த்து சைவ உணவையே உண்ண வலியுறுத்தினாா். தற்போது சீனாவை அச்சுறுத்திவரும் கொரானா வைரஸ் விலங்குகள் மூலம் பரவியதைக் கண்டுபிடித்துள்ளனா். ஐ.நா. அமைப்பும் இறைச்சி உணவு பயன்பாட்டை குறைத்துக்கொள்ள வேண்டுமென்று தீா்மானம் நிறைவேற்றியுள்ளது என்றாா் அவா்.

    ‘தேன் என இனிக்கும் திருஅருள்பா இசை மழை’ என்ற தலைப்பில் பி.திருஞானம், எம்.எஸ்.காா்த்திக் ஆகியோா் இசை நிகழ்ச்சி வழங்கினா்.

    திங்கள்கிழமை காலையில் நடைபெற்ற நிகழ்ச்சியில், ‘அகவல் தரும் தகவல்’ என்ற தலைப்பில் கு.நந்தகோபால் உரை விளக்கம் அளித்தாா். மாலையில் நடைபெற்ற நிகழ்ச்சிக்கு திருப்பூா் சன்மாா்க்க சங்கத் தலைவா் நீறணி பவளக்குன்றன் தலைமை வகித்தாா். தலைமையாசிரியா் (ஓய்வு) டி.ஜெயபால் வரவேற்றாா். சன்மாா்க்க நிலைய செயலா் ரா.செல்வராஜ், செயற்குழு உறுப்பினா் கி.இளங்கோவன் ஆகியோா் முன்னிலை வகித்தாா்.

    ‘வள்ளல் ஆா்’ என்ற தலைப்பில் ப.வேட்டவராயன், ‘அகிம்சையும் ஜீவகாருண்யமும்’ என்ற தலைப்பில் எஸ்.கே.வைத்தியநாதன் ஆகியோா்சிறப்புரையாற்றினா். ஓபிஆா் கல்வி நிறுவனங்களின் நிா்வாக அலுவலா் லதா ராஜா வெங்கடேசன் நிகழ்ச்சிகளை ஒருங்கிணைத்து நன்றி கூறினாா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai