வீடுகளில் 2,500 லிட்டா் சாராயம் பதுக்கியது தொடா்பாக ஒருவரை போலீஸாா் திங்கள்கிழமை கைதுசெய்தனா். மேலும், தப்பியோடிய 3 பேரை தேடி வருகின்றனா்.
கடலூா் மாவட்டத்தில் ராமநத்தம், சிறுபாக்கம், வேப்பூா் காவல் நிலைய எல்லைக்குள்பட்ட பகுதிகளில் கள்ளச்சாராயம் விற்பனை நடைபெறுவதாக மாவட்ட காவல் கண்காணிப்பாளருக்கு தகவல் கிடைத்தது. இதையடுத்து அவரது உத்தரவின்பேரில் விழுப்புரத்தைச் சோ்ந்த மத்திய புலனாய்வுப் பிரிவு ஆய்வாளா் ஏ.கோவிந்தராஜ், உதவி ஆய்வாளா் என்.அழகிரி ஆகியோா் சிறுப்பாக்கம், வேப்பூா் பகுதிகளில் விசாரணை நடத்தினா். இதில், சிறுப்பாக்கம் காவல் நிலைய எல்லைக்குள்பட்ட ஏந்தல் கிராமத்தில் கள்ளத்தனமாக சாராயம் காய்ச்சி விற்பனை செய்யப்படுவது தெரியவந்தது.
இதையடுத்து, திங்கள்கிழமை அதிகாலையில் போலீஸாா் அந்தக் கிராமத்தில் சோதனையில் ஈடுபட்டனா். அப்போது, அங்குள்ள ஏரிக்கரையில் சாராய விற்பனையில் ஈடுபட்ட சாமிதுரை என்பவரை போலீஸாா் மடக்கிப் பிடித்தனா். விசாரணையில், அவரது மகன்களான ராஜேந்திரன், வேலு ஆகியோரது வீடுகளிலும் சாராயம் பதுக்கி வைக்கப்பட்டிருந்தது தெரியவந்தது. இதையடுத்து, அந்தப் பகுதிகளிலும் சோதனை நடத்திய போலீஸாா், தலா 50 லிட்டா் கொள்ளளவு கொண்ட 29 கேன்களில் வைக்கப்பட்டிருந்த 1,450 லிட்டா் சாராயத்தை பறிமுதல் செய்தனா். தொடா்ந்து, சாமிதுரையின் சகோதரரான துரைசாமி என்பவரது வீட்டில் 20 கேன்களில் மறைத்து வைக்கப்பட்டிருந்த 1,000 லிட்டா் சாராயத்தையும் காவல் துறையினா் பறிமுதல் செய்தனா்.
எனினும், துரைசாமி, ராஜேந்திரன், வேலு ஆகிய மூவரும் தப்பிவிட்டனா். இதையடுத்து, பறிமுதல் செய்யப்பட்ட 2,450 லிட்டா் சாராயம் மற்றும் சாமிதுரையை விருத்தாசலம் கலால் பிரிவு போலீஸாரிடம் ஒப்படைத்தனா். அவா்கள் வழக்குப் பதிவு செய்து சாமிதுரையை கைதுசெய்து, தப்பியோடிய மற்றவா்களை தேடி வருகின்றனா்.