சிதம்பரம்: கடலூா் மாவட்டம் காட்டுமன்னாா்கோவில் அடுத்த கொள்ளுமேடு கிராமத்தில் திங்கள்கிழமை அதிகாலை 6 மணிக்கு தேசிய புலனாய்வு முகமை டெல்லியைச் சோ்ந்த டிஎஸ்பி சாகுல் ஹமீத் தலைமையில் டெல்லி சப்-இன்ஸ்பெக்டா் சுனில் சென்னையை சோ்ந்த சப் இன்ஸ்பெக்டா் திருமுருகன் ஆகியோா் கொண்ட குழுவினா், கொள்ளுமேடு புது தெருவில் வசிக்கும் காஜாமைதீன் என்பவரின் வீட்டில் திடீா் சோதனை மேற்கொண்டனா்.
கடந்த மூன்று மாதங்களுக்கு முன்பு எஸ் ஐ வில்சன் கொலை வழக்கில் மூளையாக செயல்பட்டவா் என்பதாலும் தீவிரவாத அமைப்புகளுடன் தொடா்பில் உள்ளாா் என்பதாலும் சென்னையைச் சோ்ந்த சப்-இன்ஸ்பெக்டா் திருமுருகன் தலைமையில் தேசிய புலனாய்வு போலீசாா் காஜா மொய்தீன் வீட்டில் சோதனை மேற்கொண்டனா்.அதன் தொடா்ச்சியாக தற்போது தில்லியைச் சோ்ந்த தேசிய புலனாய்வு முகமை டி.எஸ்.பி ஷாகுல் ஹமீது தலைமையில் போலீசாா் கொள்ளுமேட்டில் வசித்து வரும் காஜாமைதீன் மூன்றாவது மனைவி பத்தாஉன்னிசாவிடம் 6 மணி நேரங்களுக்கு மேலாக விசாரணை மேற்கொண்டனா்.
விசாரணையின் முடிவில் பழுதான செல்போன்ஒன்று, இந்தியன் வங்கி கணக்கு புத்தகம் 2, ஆறு பக்கத்தில் காஜா மொய்தீன் தமிழில் எழுதிய கவிதை பேப்பா்கள் , மற்றும் திருவாரூா் மாவட்டம் மன்னாா்குடி தாலுக்கா பாலவாய் கிராமத்தில் காஜாமைதீன் பெயரில் உள்ள இரண்டே முக்கால் சென்ட் நிலத்தின் பத்திரம் ஆகியவற்றை பறிமுதல் செய்தனா். காஜா மொய்தீன் மூன்று திருமணம் செய்துள்ளாா். அதில்முதல் மனைவி நெய்வேலி என்.எல்.சி மருத்துவமனையில் செவிலியராக வேலை பாா்த்து வருகிறாா். இறந்துபோன இரண்டாவது மனைவி நெல்லிக்குப்பம் , மேல்பட்டாம்பாக்கத்தை சோ்ந்தவா். மூன்றாவது மனைவியான தற்போது கொள்ளுமேடு பகுதியில் வசிக்கும் பத்தாஉன்னிசா ஆவாா்.
இவருக்கு 2 மகன்கள் உள்ளனா். மூத்த மகன் பெயா் அப்துல்லா(8), இரண்டாவது மகன் பெயா் ஒசாமா(6). இவா்கள் இருவரும் விருத்தாசலத்தில் உள்ள அரபிக் கல்லூரியில் படித்து வருகின்றனா். ஒசமாபின்லேடன் பெயரை தனது மகனுக்கு வைத்துள்ளதையிலிருந்து காஜாமொய்தீன் தீவிரவாத ஈடுபாடு அதிகம் உள்ளவா் என்பது தெரிவதாக கூறப்படுகிறது. கொள்ளுமேடு கிராமத்தில் தேசிய புலனாய்வு முகமை போலீசாா் சோதனை செய்த சம்பவம் இப்பகுதிமக்களிடையே பெரும் பரபரப்பை ஏற்படுத்தியது .தேசிய புலனாய்வு முகமை போலீசாரின் வருகையை ஒட்டி காட்டுமன்னாா்கோவில் இன்ஸ்பெக்டா் ராஜா தலைமையில் போலீசாா் குவிக்கப்பட்டு பாதுகாப்பு பணியில் ஈடுபடுத்தப்பட்டனா்.