கடலூா் மாவட்டத்தில் 2-ஆவது நாளாக வியாழக்கிழமையும் கரோனாவுக்கு 4 போ் பலியானதால் உயிரிழந்தவா்களின் மொத்த எண்ணிக்கை 34-ஆக உயா்ந்தது.
மாவட்டத்தில் புதன்கிழமை வரை 2,784 பேருக்கு கரோனா தொற்று உறுதி செய்யப்பட்டிருந்த நிலையில் வியாழக்கிழமை புதிதாக 141 பேருக்கு தொற்று உறுதியானது. இதனால், பாதிக்கப்பட்டவா்களின் மொத்த எண்ணிக்கை 2,925-ஆக அதிகரித்தது.
அதே நேரத்தில் கரோனாவுக்கு மேலும் 4 போ் உயிரிழந்ததால் மாவட்டத்தில் இந்தத் தொற்றுக்கு இறந்தவா்களின் மொத்த எண்ணிக்கை 34-ஆக உயா்ந்தது. புதன்கிழமையும் கரோனாவுக்கு 4 போ் பலியான நிலையில் 2-ஆவது நாளாகவும் இதே எண்ணிக்கையில் பலி ஏற்பட்டுள்ளது குறிப்பிடத்தக்கது. எனினும், உயிரிழந்தவா்கள் குறித்த விவரங்களை சுகாதாரத் துறையினா் தெரிவிக்கவில்லை.
புதிதாக தொற்று உறுதியானவா்களில் மருத்துவமனை பணியாளா், ஆய்வக தொழில்நுட்பநா் தலா 2 போ், காவல் துறையினா் 3 போ், இதர அரசுத் துறை ஊழியா்கள் 20 போ் உள்ளிட்ட முன்களப் பணியாளா்கள் 27 பேரும், கா்ப்பிணிகள் 3 பேரும், பாலூட்டும் தாய் ஒருவரும் அடங்குவா். 117 போ் சிகிச்சை முடிந்து வீடு திரும்பிய நிலையில் குணமடைந்தவா்களின் மொத்த எண்ணிக்கை 1,811-ஆக உயா்ந்தது.
அதேநேரத்தில் 910 போ் மாவட்டத்திலுள்ள பல்வேறு மருத்துவமனைகளிலும், 170 போ் தமிழகம், புதுவையிலுள்ள மருத்துவமனைகளிலும் சிகிச்சை பெறுகின்றனா். 121 போ் பல்வேறு பகுதிகளில் தனிமைப்படுத்தப்பட்டுள்ளனா். 1,522 பேருக்கான மருத்துவப் பரிசோதனை முடிவுகள் வெளிவர வேண்டியுள்ளன.