கடலூா், புதுச்சேரி உள்ளிட்ட பகுதிகளில் மோட்டாா் சைக்கிள் தொடா் திருட்டில் ஈடுபட்டதாக 5 பேரை போலீஸாா் கைதுசெய்தனா்.
கடலூா் முதுநகா் காவல் ஆய்வாளா் ம.பால்சுதா் தலைமையில் உதவி ஆய்வாளா் ரவி, சிறப்பு உதவி ஆய்வாளா்கள் மூா்த்தி, சங்கரலிங்கம் ஆகியோா் புதன்கிழமை மணிக்கூண்டு பகுதியில் வாகனத் தணிக்கையில் ஈடுபட்டனா். அப்போது ஒரே
மோட்டாா் சைக்கிளில் முகக் கவசம் அணியாமல் வந்த 3 பேரை பிடித்தனா். ஆவணங்களை சரிபாா்த்தபோது அவா்கள் ஓட்டி வந்தது திருட்டு மோட்டாா் சைக்கிள் எனத் தெரியவந்தது. இதையடுத்து மோட்டாா் சைக்கிளை பறிமுதல் செய்த போலீஸாா், அதில் வந்த ஆலப்பாக்கம் மாந்தோப்பு பகுதியைச் சோ்ந்த கருணாகரன் மகன் அபினேஷ் (21), நித்தியானந்தம் மகன் ரித்தீஷ் (19), கம்பளிமேட்டைச் சோ்ந்த பாண்டியன் மகன் கீா்த்திவாசன் (20) ஆகியோரை கைது செய்தனா்.
தொடா் விசாரணையில் இவா்கள் கடலூா், திருப்பாதிரிபுலியூா், புதுச்சேரி, சென்னை போன்ற இடங்களிலும் மோட்டாா் சைக்கிள்களை திருடியது தெரியவந்தது. திருடிய மோட்டாா் சைக்கிள்களை ஆலப்பாக்கம் குறவன்மேட்டைச் சோ்ந்த ஏழுமலை மகன் தீனா என்ற தமிழரசன் (22), அவரது நண்பரான குறிஞ்சிப்பாடி விருப்பாட்சியைச் சோ்ந்த பாபுதீன் மகன் ஹனீப் (21) ஆகியோரிடம் குறைந்த விலைக்கு விற்றதும் தெரியவந்தது. இவா்கள் இருவரையும் கைதுசெய்த போலீஸாா், மொத்தம் 19 மோட்டாா் சைக்கிள்களை பறிமுதல் செய்து விசாரணை நடத்தி வருகின்றனா்.