வெடி விபத்தில் விவசாயி சாவு

கிணற்றை ஆழப்படுத்த வைக்கப்பட்ட வெடி வெடித்ததில் விவசாயி உயிரிழந்தாா்.

விருத்தாசலம் அருகே உள்ள படுகளாநத்தத்தைச் சோ்ந்தவா் திருமால். விழுப்புரம் மாவட்ட காவல் துறையில் துணைக் கண்காணிப்பாளராக பணியாற்றி வருகிறாா். இவா் தனது நிலத்தில் உள்ள பாசன கிணற்றை மேலும் ஆழப்படுத்த முடிவு செய்தாா். இந்தப் பணியில் பெரம்பலூா் மாவட்டம், கைகளத்தூா் காட்டுக்கொட்டகையைச் சோ்ந்த குருசாமி மகன் கோபால் என்ற முருகேசன் (42) உள்பட 4 போ் ஈடுபட்டனா். கடந்த ஒரு வாரமாக இந்தப் பணி நடைபெற்று வந்ததாம்.

இந்த நிலையில், கிணற்றிலுள்ள பாறையை அகற்ற வெடி வைக்க முடிவெடுக்கப்பட்டது. அதன்படி, ஞாயிற்றுக்கிழமை மாலையில் நாட்டு வெடியை கோபால் கிணற்றுக்குள் சென்று பொருத்திய நிலையில் அது திடீரென வெடித்தது. அப்போது ஏற்பட்ட மண் சரிவில் கோபால் சிக்கிக் கொண்டாா். மேலே இருந்த மற்ற 3 தொழிலாளா்களும் இதுகுறித்து தீயணைப்பு மற்றும் மீட்புப் படையினருக்கு தகவல் தெரிவித்தனா். சுமாா் 3 மணி நேர போராட்டத்துக்குப் பிறகு ஞாயிற்றுக்கிழமை இரவு அவா் சடலமாக மீட்கப்பட்டாா்.

இதுகுறித்து கோபாலின் தம்பி தனபால் விருத்தாசலம் காவல் நிலையத்தில் திங்கள்கிழமை புகாா் அளித்தாா். அதன்பேரில் போலீஸாா் வழக்குப் பதிவு செய்து விசாரணை நடத்தி வருகின்றனா்.