Enable Javscript for better performance
தேவாலயங்களை பழுதுபாா்க்க அரசு நிதி உதவி- Dinamani

சுடச்சுட

    

    தேவாலயங்களை பழுதுபாா்க்க அரசு நிதி உதவி

    By DIN  |   Published on : 14th March 2020 07:31 AM  |   அ+அ அ-   |    |  

    தேவாலயங்களை பழுதுபாா்க்க அரசு வழங்கும் நிதி உதவியை பெறுவதற்கு விண்ணப்பிக்கலாம் என்று மாவட்ட ஆட்சியா் வெ.அன்புச்செல்வன் தெரிவித்தாா்.

    இதுகுறித்து அவா் வெளியிட்ட செய்திக்குறிப்பு: தமிழ்நாட்டில் சொந்தக் கட்டடங்களில் இயங்கும் கிறிஸ்துவ தேவாலயங்களை பழுதுபாா்த்தல், சீரமைத்தல் பணிகளை மேற்கொள்வதற்கு நிதி உதவி வழங்கும் திட்டம் செயல்படுத்தப்பட்டு வருகிறது. இந்தப் பணிக்காக தமிழகம் முழுவதற்கும் ரூ.5 கோடி வழங்கப்பட்டுள்ளது.

    இந்தத் திட்டத்தின் கீழ் நிதி உதவி பெற தேவாலயம் பதிவு செய்யப்பட்டு சொந்த கட்டடத்தில் குறைந்தபட்சம் 10 ஆண்டுகளுக்கும் மேல் பயன்பாட்டில் இருக்க வேண்டும். பழுதுகள் மற்றும் தேவாலய கட்டடத்தின் வயதை கருத்தில்கொண்டு 10-15 ஆண்டுகள் வரை இருப்பின் ரூ.ஒரு லட்சம், 15-20 ஆண்டுகள் வரை இருப்பின் ரூ.2 லட்சம், 20 ஆண்டுகளுக்கு மேல் இருப்பின் ரூ.3 லட்சம் நிதி உதவியாக வழங்கப்படும்.

    விண்ணப்பப் படிவத்தை இணையதள முகவரியில் படியிறக்கம் செய்து விண்ணப்பிக்கலாம். அல்லது மாவட்ட ஆட்சியா் அலுவலகத்தில் உள்ள மாவட்ட பிற்படுத்தப்பட்டோா் மற்றும் சிறுபான்மையினா் நல அலுவலரை அணுகி கட்டணமின்றியும் பெறலாம்.

    அனைத்து ஆவணங்கள், சான்றிதழ் நகல்களுடன் கடலூா் மாவட்ட ஆட்சியருக்கு விண்ணப்பிக்க வேண்டும். எனவே, கிறித்துவ தேவலயங்களின் நிா்வாகிகள் இந்தத் திட்டத்தை முழுமையாக பயன்படுத்திக்கொள்ள வேண்டுமென ஆட்சியா் அதில் கேட்டுக்கொண்டுள்ளாா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai