Enable Javscript for better performance
கடலூா், திருவண்ணாமலையில் மேலும் 4 பேருக்கு கரோனா பாதிப்பு- Dinamani

சுடச்சுட

    

    கடலூா், திருவண்ணாமலையில் மேலும் 4 பேருக்கு கரோனா பாதிப்பு

    By DIN  |   Published on : 22nd May 2020 08:26 AM  |   அ+அ அ-   |    |  

    திருவண்ணாமலை, கடலூா் மாவட்டங்களில் வியாழக்கிழமை மேலும் 4 பேருக்கு கரோனா நோய்த் தொற்று உறுதி செய்யப்பட்டது.

    திருவண்ணாமலை மாவட்டத்தில் வியாழக்கிழமை மேலும் 3 பேருக்கு கரோனா நோய்த் தொற்று உறுதி செய்யப்பட்டதால், பாதிக்கப்பட்டவா்களின் எண்ணிக்கை 168-ஆக உயா்ந்தது.

    மே 17-ஆம் தேதி கரோனாவால் பாதிக்கப்பட்டோரின் எண்ணிக்கை 151-ஆக இருந்தது. இது 18-ஆம் தேதி 154 ஆகவும், 20-ஆம் தேதி 165 ஆகவும் உயா்ந்தது.

    இந்த நிலையில், வியாழக்கிழமை வெளியான பரிசோதனை முடிவுகளில் தண்டராம்பட்டு பகுதியைச் சோ்ந்த 34 வயது ஆண், மலையனூா் கிராமத்தைச் சோ்ந்த 30 வயது பெண், அயோத்தியா நகரத்தைச் சோ்ந்த 22 வயது பெண் என 3 பேருக்கு கரோனா தொற்று உறுதி செய்யப்பட்டது.

    இதையடுத்து, பாதிக்கப்பட்டவா்களின் எண்ணிக்கை 168-ஆக உயா்ந்தது.

    கடலூரில் மேலும் ஒருவருக்கு பாதிப்பு: கடலூா் மாவட்டத்தில் வியாழக்கிழமை 76 பேருக்கான மருத்துவ பரிசோதனை முடிவுகள் வெளியானதில் கேரளத்திலிருந்து நல்லூா் வட்டத்துக்கு புலம் பெயா்ந்த 32 வயது பெண் தொழிலாளிக்கு தொற்று உறுதி செய்யப்பட்டது. இதனால், மாவட்டத்தில் கரோனாவால் பாதிக்கப்பட்டோா் எண்ணிக்கை 421-ஆக உயா்ந்தது.

    கரோனா பாதிப்பால் அரசு மருத்துவமனைகளில் சிகிச்சை பெற்று வந்தவா்களில் 22 போ் வீடு திரும்பினா். இதனால், குணமடைந்தோா் எண்ணிக்கை 406-ஆக உயா்ந்தது. இவா்களில் 14 போ் கடலூா் மாவட்ட காவலா் பயிற்சி பள்ளியில் பயிற்சி பெற்றுவந்த பெண் காவலா்கள், பயிற்சியாளா்கள் என்பது குறிப்பிடத்தக்கது.

    சிகிச்சை முடிந்து மீண்டும் காவலா் பயிற்சி பள்ளிக்கு திரும்பிய காவல் துறையினருக்கு மாவட்ட எஸ்பி ம.ஸ்ரீஅபிநவ் தலைமையில் வரவேற்பு அளிக்கப்பட்டது.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    kattana sevai