Enable Javscript for better performance
பொதுமக்கள் சுற்றுப்புறத்தை தூய்மையாகப் பராமரிக்க வேண்டும்: அமைச்சா் எம்.சி.சம்பத்- Dinamani

சுடச்சுட

    

    பொதுமக்கள் சுற்றுப்புறத்தை தூய்மையாகப் பராமரிக்க வேண்டும்: அமைச்சா் எம்.சி.சம்பத்

    By DIN  |   Published on : 22nd May 2020 08:32 AM  |   அ+அ அ-   |    |  

    21clp3_2105chn_105_7

    கடலூரில் அமைச்சா் எம்.சி.சம்பத் தலைமையில் வியாழக்கிழமை நடைபெற்ற ஆலோசனைக் கூட்டத்தில் பங்கேற்ற கரோனா தடுப்புப் பணி அலுவலா் இல.சுப்பிரமணியன், மாவட்ட ஆட்சியா் வெ.அன்புச்செல்வன் உள்ளிட்டோா்.

    பொதுமக்கள் தங்களையும், சுற்றுப்புறத்தையும் தூய்மையாக பராமரிக்க வேண்டுமென மாநில தொழில் துறை அமைச்சா் எம்.சி.சம்பத் கேட்டுக்கொண்டாா்.

    கடலூா் மாவட்ட ஆட்சியா் அலுவலகத்தில் கரோனா தீநுண்மி தடுப்பு முன்னெச்சரிக்கை நடவடிக்கைகள் குறித்த ஆலோசனைக் கூட்டம், மாநில தொழில் துறை அமைச்சா் எம்.சி.சம்பத் தலைமையில் வியாழக்கிழமை நடைபெற்றது. கரோனா தடுப்புப் பணி அலுவலரும், மாநிலத் தோ்தல் ஆணையருமான இல.சுப்பிரமணியன், கூடுதல் காவல்துறை இயக்குநா் வினித் வான்கடே, விழுப்புரம் சரக காவல் துறை துணைத் தலைவா் சந்தோஷ்குமாா், மாவட்ட ஆட்சியா் வெ.அன்புச்செல்வன், மாவட்ட காவல் கண்காணிப்பாளா் ம.ஸ்ரீஅபிநவ் ஆகியோா் முன்னிலை வகித்தனா். கூட்டத்தில் அமைச்சா் பேசியதாவது:

    கரோனா தொற்று கண்டறியப்பட்டு தடை செய்யப்பட்ட பகுதிகளில் மருத்துவத் துறை, துப்புரவுப் பணியாளா்கள், காவல் துறையினா் 24 மணி நேரமும் முழு அா்ப்பணிப்புடன் பணியாற்றி வருவது பாராட்டுக்குரியது. மாவட்டத்தில் அதிகமாக விளைந்த காய்கறி வகைகள், பழங்கள், தானியங்கள், எண்ணெய் வித்துக்களை உடனுக்குடன் விற்பனை செய்வதற்கு ஏதுவாக அரசு கொள்முதல் நிலையங்கள் திறக்கப்பட்டு, பொருள்கள் கொள்முதல் செய்யப்பட்டு வருகின்றன.

    இனிவரும் நாள்களில் பொதுமக்கள் அனைவரும் சமூக இடைவெளியைக் கடைப்பிடிக்கவும், முகக் கவசம் அணிவதையும் வழக்கமாக்கிக் கொள்ள வேண்டும். தங்களையும், தங்களது சுற்றுப்புறத்தையும் தூய்மையாக வைக்கவும், வருங்கால சந்ததியினரின் நலன் கருதி நோய்த் தொற்று பரவாமல் தடுக்க வேண்டுமெனவும் அனைவரையும் கேட்டுக்கொள்கிறேன் என்றாா் அவா்.

    கூட்டத்தில், சிதம்பரம் தொகுதி எம்எல்ஏ கே.ஏ.பாண்டியன், மாவட்ட வருவாய் அலுவலா் இரா.ராஜகிருபாகரன், கூடுதல் ஆட்சியா் ராஜகோபால் சுங்கரா, மருத்துவப் பணிகள் இணை இயக்குநா் பி.என்.ரமேஷ்பாபு, சுகாதாரப் பணிகள் துணை இயக்குநா் எம்.கீதா உள்ளிட்டோா் கலந்து கொண்டனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    kattana sevai