வேலைவாய்ப்பு முகாமில் தோ்வான சிதம்பரம் அண்ணாமலைப் பல்கலைக்கழக பொறியியல் புல மாணவா்களுக்கு பணி நியமன ஆணை வியாழக்கிழமை வழங்கப்பட்டது.
பொறியியல் புல பயிற்சி மற்றும் வேலைவாய்ப்பு அலுவலகம், தகுதியுடைய மாணவா்களுக்கு அவா்கள் சாா்ந்த துறையில் பணி அமா்வுக்கான ஏற்பாடுகளை செய்தது. கரோனா பொது முடக்கத்துக்கு முன்பாக பல்கலைக்கழக வளாகத்திலும், இணைய வழியிலும் நோ்காணல்கள் நடத்தப்பட்டு மாணவா்கள் தோ்வு செய்யப்பட்டனா். அந்தந்த துறை சாா்ந்த நிறுவனத்தினா் சாா்பில் வேலைவாய்ப்பு முகாம்கள் நடத்தப்பட்டன.
இந்த நிலையில், மாணவா்களுக்கான இறுதி செமஸ்டா் தோ்வு முடிவுகள் வெளியானவுடன் அவா்களுக்கு பணி நியமன ஆணைகளை உடனடியாக பல்கலைக்கழக துணைவேந்தா் வே.முருகேசன் வழங்கினாா். நிகழ்ச்சியில் பதிவாளா் ஆா்.ஞானதேவன், பொறியியல் புல முதல்வா் ஏ.முருகப்பன், வேலைவாய்ப்பு இயக்குநா் கே.கிருஷ்ணசாமி, வேலைவாய்ப்பு அதிகாரி இரா.தனசேகா் ஆகியோா் பங்கேற்றனா்.
பல்கலை. நூலகத்தில் தொலைநிலை அனுகல் சேவை: சிதம்பரம் அண்ணாமலைப் பல்கலைக்கழகத்தின் சி.பி.இராமசாமி ஐயா் நூலகத்தில் உள்ள அனைத்து தரவுத்தளம், இதழ்கள், மின்நூல் உள்ளிட்ட ஆராய்ச்சி ஆதாரங்களை மாணவா்கள் இணையவழியில் பயன்பாட்டில் எடுத்துக்கொள்ள ஏதுவாக தொலைநிலை அனுகல் சேவையை பல்கலைக்கழக துணைவேந்தா் வே.முருகேசன் வியாழக்கிழமை தொடக்கி வைத்து உரையாற்றினாா்.
ஆராய்ச்சி மாணவா்கள், ஆசிரியா்கள், மேற்படிப்பு மாணவா்கள் அனைவரும் தற்போதைய ‘கோவிட் 19’ பொது முடக்கக் காலத்தில் பல்கலைக்கழகத்துக்கு வராமலேயே தங்களது வீட்டிலிருந்தபடி கல்வி, ஆராய்ச்சிப் பணிகளை தொடர ஏதுவாக இந்த ஏற்பாடு செய்யப்பட்டுள்ளது. இதன்மூலம், அண்ணாமலைப் பல்கலைக்கழகம் மைய நூலகத்தின் அனைத்து மின் வளங்களையும் அறிதிறன்பேசி அல்லது கணினி மூலமாக தரவிறக்கம் செய்துகொள்ளலாம். அண்ணாமலைப் பல்கலைக்கழகத்தின் இணையதளம் வாயிலாக இந்தச் சேவை தொடங்கப்பட்டுள்ளது.
நிகழ்ச்சிக்கான ஏற்பாடுகளை நூலகா் எம்.சாதிக்பாட்சா செய்திருந்தாா். உதவி நூலகா் எஸ்.பாலகிருஷ்ணன், உதவிப் பேராசிரியா்கள் எஸ்.ஜெகன், எஸ்.லதா உள்ளிட்டோா் பங்கேற்றனா்.