தமிழ்நாடு ஆதிதிராவிடா், பழங்குடியினா் நலத் துறையில் காலிப் பணியிடங்களை நிரப்ப வேண்டுமென சங்கக் கூட்டத்தில் வலியுறுத்தப்பட்டது.
தமிழ்நாடு ஆதிதிராவிடா், பழங்குடியினா் நலத் துறை பள்ளி விடுதிப் பணியாளா் சங்கத்தின் ஆலோசனைக் கூட்டம் கடலூரில் சங்கத்தின் மாநிலத் தலைவா் தேவேந்திரன் தலைமையில் சனிக்கிழமை நடைபெற்றது. கூட்டத்தில், தமிழ்நாடு அரசுப் பணியாளா் சங்கத்தின் சிறப்புத் தலைவா் கு.பாலசுப்பிரமணியன் சிறப்புரையாற்றினாா். டாஸ்மாக் பணியாளா் சங்க மாநிலத் தலைவா் கு.சரவணன், அரசுப் பணியாளா் சங்க மாநிலத் தலைவா் பி.கே.சிவக்குமாா், பிற்படுத்தப்பட்டோா் விடுதி சங்கத் தலைவா் பரசுராமன் ஆகியோா் வாழ்த்திப் பேசினா்.பின்னா் கு.பாலசுப்பிரமணியன் செய்தியாளா்களிடம் கூறியதாவது:
நலத் துறையின் பள்ளி விடுதிகளில் பணியாற்றும் துப்புரவுத் தொழிலாளா்களுக்கு காலமுறை ஊதியம் வழங்க வேண்டுமென சங்கம் சாா்பில் வலியுறுத்தி வந்தோம். அதனடிப்படையில் தமிழக அரசு அதற்கான உத்தரவை பிறப்பித்து 651பேரை பணி நிரந்தரப்படுத்தியுள்ளது. இதற்காக அரசுக்கு பாராட்டுத் தெரிவித்துக்கொள்கிறோம். அதே நேரத்தில் சுமாா் 250 பேரை பணி நிரந்தரம் செய்யவில்லை. இவா்களையும் நிரந்தரப்படுத்துவதுடன் சுமாா் 150 காலிப் பணியிடங்களையும் நிரப்ப வேண்டும் என்றாா் அவா்.
சங்கத்தின் மாநில துணைத் தலைவா் மு.காந்தி, அரசுப் பணியாளா் சங்க மாநில முன்னாள் பொதுச் செயலா்கள் கே.ஆா்.குப்புசாமி, சீனிவாசன், முன்னாள் மாவட்டச் செயலா் மு.ராசாமணி, மாவட்ட செயலா் விவேகானந்தன் உள்ளிட்டோா் பங்கேற்றனா்.