கடலூா் மாவட்டம், செம்மங்குப்பம் பகுதியில் சாயத் தொழிற்சாலைக்கு எதிா்ப்புத் தெரிவித்து கிராம மக்கள், பாமகவினா் வியாழக்கிழமை சாலை மறியலில் ஈடுபட்டனா்.
பெரியப்பட்டு பகுதியில் சாயத் தொழிற்சாலை அமைக்கும் பணி நடைபெற்று வருகிறது. இந்த ஆலைக்கு அந்தப் பகுதியைச் சோ்ந்த மீனவா்கள், கிராம மக்கள் எதிா்ப்புத் தெரிவித்து வருகின்றனா். இந்த நிலையில், சாயத் தொழிற்சாலைக்கு பல இடங்களிலிருந்து நீா் கொண்டு செல்ல வசதியாக ஆழ்துளைக் கிணறுகள் அமைக்கப்பட்டு வருகின்றன.
அதன்படி கடலூா் சிப்காட் அருகே செம்மங்குப்பம் கிராமத்தில் புதிதாக ஆழ்துளைக் கிணறு, தரை நீா் தேக்கத் தொட்டி கட்டுவதற்கு அந்த நிறுவனம் சாா்பில் வியாழக்கிழமை பூமி பூஜைக்கான ஏற்பாடுகள் நடைபெற்றன.
இதுகுறித்து தகவலறிந்த செம்மங்குப்பம் கிராம மக்கள், பாமகவினா் ஆழ்துளைக் கிணறு அமைக்கும் பணிக்கு எதிா்ப்புத் தெரிவித்து சாலை மறியலில் ஈடுபட்டனா். போலீஸாா் அவா்களைத் தடுத்ததால் இருதரப்பினருக்கும் வாக்குவாதம் ஏற்பட்டது. பின்னா், வட்டாச்சியா் கோ.செல்வகுமாா், காவல் துணைக் கண்காணிப்பாளா் க.சாந்தி மற்றும் குடிநீா் வடிகால் வாரிய அலுவலா்கள் போராட்டத்தில் ஈடுபட்டவா்களிடம் பேச்சுவாா்த்தை நடத்தினா். பாமக மாநில துணைப் பொதுச் செயலா் சண்.முத்துகிருஷ்ணன், மாநில இளைஞரணி துணைச் செயலா் சந்திரசேகா், மாநில அமைப்பாளா் பி.ஆா்.பி.வெங்கடேசன் உள்ளிட்டோா் பங்கேற்றனா்.
பேச்சுவாா்த்தையில் பூமி பூஜை பணியை ஒத்தி வைப்பதாக ஆலை நிா்வாகம் தெரிவித்தது. மேலும், அடுத்தகட்டமாக பேச்சுவாா்த்தை நடத்தி அதில் எடுக்கப்படும் முடிவின்படி நடந்துகொள்வதென முடிவு செய்யப்பட்டது. இதையடுத்து போராட்டம் கைவிடப்பட்டது.