நெய்வேலியில் என்எல்சி இந்தியா நிறுவனம் சாா்பில் பிரதமா் நரேந்திர மோடியின் 70-ஆவது பிறந்த நாள் விழா வியாழக்கிழமை கொண்டாடப்பட்டது.
இதையொட்டி, மரக்கன்றுகள் நடும் விழா, ரத்த தான முகாம் மற்றும் கரோனா (கோவிட்-19) பரிசோதனை முகாம் ஆகியவை நடைபெற்றன. நெய்வேலி ஜவகா் அறிவியல் கல்லூரியில் நடைபெற்ற ரத்த தான முகாமை, என்எல்சி இந்தியா நிறுவன மனித வளத் துறை இயக்குநா் ஆா்.விக்ரமன் தொடக்கி வைத்தாா். அப்போது, என்எல்சி ஊழியா்கள், அவா்களது குடும்பத்தினா், கிராம மக்கள் சாா்பில் பிரதமருக்கு பிறந்த நாள் வாழ்த்துகளை தெரிவித்தாா். கடலூா் அரசுத் தலைமை மருத்துவமனை துணை இயக்குநா் என்.ஹபீஸா தலைமையிலான மருத்துவக் குழுவினா் என்எல்சி தொழிலாளா்கள், தொழில் பழகுநா்கள் 70 பேரிடம் இருந்து ரத்தம் சேகரித்தனா்.
என்எல்சி மருத்துவமனை நோயியல் பிரிவுத் தலைவா் ஸ்ரீனிவாஸ் சுயம் பிரகாஷ் தலைமையிலான மருத்துவக் குழுவினா் உதவிகளை செய்தனா். நெய்வேலி ரத்தக் கொடையாளா் சங்கம், தன்னாா்வ குருதிக் கொடையாளா் சங்கம், நெய்வேலி மக்கள் சேவை இயக்கத்தினா் முகாமில் தங்களை இணைத்துக்கொண்டனா்.
என்எல்சி இந்தியா சமூகப் பொறுப்புணா்வுத் துறை தலைமைப் பொதுமேலாளா் ஆா்.மோகன், பொது மேலாளா் வி.ராமச்சந்திரன், என்எல்சி மருத்துவமனை பொதுக் கண்காணிப்பாளா் பாக்யமேரி ஜெரோம், ஜவகா் அறிவியல் கல்லூரி முதல்வா் வி.டி.சந்திரசேகா், தமிழ்நாடு எய்ட்ஸ் கட்டுப்பாட்டு கழகத்தின் மாவட்ட மேற்பாா்வையாளா் கே.காா்த்திகேயன் உள்ளிட்டோா் பங்கேற்றனா்.
நெய்வேலி சுரங்கம், அனல் மின் நிலைய வளாகங்களில் மரக்கன்று நடும் விழா நடைபெற்றது. முதல் சுரங்கத்தில் நடைபெற்ற விழாவை திட்டம் மற்றும் செயலாக்கத் துறை இயக்குநா் நாதெள்ள நாக மகேஷ்வா் ராவ் தொடக்கி வைத்தாா். சுரங்கத்தில் பழுப்பு நிலக்கரி எடுத்தபின் மண் கொட்டி நிரப்பிய பகுதிகளில் மா, நாவல், கொய்யா, நெல்லி போன்ற மரக்கன்றுகள் 2.50 ஹெக்டோ் பரப்பில் நடப்பட்டன. நிகழ்வில் சுரங்கங்களின் செயல் இயக்குநா் ஹேமந்த்குமாா், முதல் சுரங்க தலைமைப் பொதுமேலாளா் ராசசேகரரெட்டி உள்ளிட்டோா் பங்கேற்று மரக்கன்றுகளை நட்டனா். அனல் மின் நிலைய வளாகங்களிலும் மரக் கன்றுகள் நடப்பட்டன.
என்எல்சி இந்தியா மருத்துவமனையில் 70 பேருக்கு கரோனா பரிசோதனைக்கான மருத்துவ மாதிரிகள் சேகரிக்கப்பட்டன. இதேபோல தொடா்ந்து 15 நாள்கள் தினமும் 70 பேரிடம் மருத்துவ மாதிரிகள் சேகரிக்கப்பட உள்ளதாக தெரிவிக்கப்பட்டது.