Enable Javscript for better performance
வாக்கு இயந்திரங்கள் வைக்கப்பட்ட அறைகளுக்கு ‘சீல்’- Dinamani

சுடச்சுட

    

    வாக்கு இயந்திரங்கள் வைக்கப்பட்ட அறைகளுக்கு ‘சீல்’

    By DIN  |   Published on : 08th April 2021 08:26 AM  |   அ+அ அ-   |    |  

    2-7-7clp3_0704chn_105

    வாக்கு எண்ணிக்கை மையங்களில் வாக்கு இயந்திரங்கள் வைக்கப்பட்ட அறைகளுக்கு புதன்கிழமை ‘சீல்’ வைக்கப்பட்டு மூன்றடுக்கு பாதுகாப்பு போடப்பட்டுள்ளது.

    கடலூா் மாவட்டத்தில் 9 சட்டப்பேரவைத் தொகுதிகளுக்கான வாக்குப் பதிவு செவ்வாய்க்கிழமை நடைபெற்றது. 3,001 வாக்குச் சாவடிகளில் நடைபெற்ற வாக்குப் பதிவில் சுமாா் 76.60 சதவீதம் போ் வாக்களித்தனா்.

    வாக்குப் பதிவு நிறைவு பெற்ற பின்னா், வாக்கு இயந்திரங்கள் வாக்குச் சாவடிகளில் பணியாற்றிய தோ்தல் அலுவலா்களால் வேட்பாளா்களின் முகவா்கள் முன்னிலையில் மூடி ‘சீல்’ வைக்கப்பட்டன. இதைத் தொடா்ந்து, தோ்தல் மண்டல அலுவலா்கள் அந்த வாக்கு இயந்திரங்களை தங்களது வாகனங்கள் மூலம் வாக்கு எண்ணிக்கை மையங்களுக்கு எடுத்துச் சென்றனா்.

    அதன்படி, கடலூா் தொகுதியில் பயன்படுத்தப்பட்ட 343 இயந்திரங்களும், குறிஞ்சிப்பாடி தொகுதியில் பயன்படுத்தப்பட்ட 336 இயந்திரங்களும், கடலூா் தேவனாம்பட்டினம் அரசு கலைக் கல்லூரிக்கு எடுத்துச் செல்லப்பட்டன.

    திட்டக்குடி தொகுதியில் பயன்படுத்தப்பட்ட 305 இயந்திரங்கள், விருத்தாசலம் தொகுதியில் பயன்படுத்தப்பட்ட 355 இயந்திரங்கள் விருத்தாசலம் கொளஞ்சியப்பா் அரசு கல்லூரிக்கு எடுத்துச் செல்லப்பட்டன.

    பண்ருட்டியில் பயன்படுத்தப்பட்ட 341 இயந்திரங்கள், நெய்வேலி தொகுதியில் பயன்படுத்தப்பட்ட 299 இயந்திரங்கள் பண்ருட்டியிலுள்ள அண்ணா பல்கலைக்கழக கல்லூரிக்கு எடுத்துச் செல்லப்பட்டன.

    சிதம்பரம் தொகுதியில் பயன்படுத்த 354 இயந்திரங்கள், புவனகிரி தொகுதியில் பயன்படுத்தப்பட்ட 350 இயந்திரங்கள், காட்டுமன்னாா்கோவில் தொகுதியில் பயன்படுத்தப்பட்ட 318 வாக்குப் பதிவு இயந்திரங்கள் சி.முட்லூரிலுள்ள அரசு கலைக் கல்லூரிக்கு பலத்த போலீஸ் பாதுகாப்புடன் எடுத்துச் செல்லப்பட்டன.

    அங்கு வேட்பாளா்களின் முகவா்கள் முன்னிலையில், இருப்பு அறையில் அந்த இயந்திரங்கள் வரிசை எண் முறையாக அடுக்கிவைக்கப்பட்டன.

    முன்னதாக, இரவு முதல் அதிகாலை வரை வாக்கு இயந்திரங்கள் வாக்கு எண்ணிக்கை மையங்களுக்கு எடுத்து வரப்பட்டன. முழுமையாக அனைத்து வாக்கு இயந்திரங்களும் கொண்டு வரப்பட்ட பின்னரே உரிய நடைமுறைகள் பின்பற்றப்பட்டு, அந்த வாக்கு இயந்திரங்கள் அதற்கான அறைகளில் வைக்கப்பட்டு, வேட்பாளா்கள் மற்றும் முகவா்கள் முன்னிலையில் அறைகள் பூட்டப்பட்டு ‘சீல்’ வைக்கப்பட்டன.

    கடலூா் தேவானம்பட்டினம் அரசுக் கல்லூரியில் வாக்கு இயந்திரங்கள் வைக்கப்பட்ட அறைக்கு வேட்பாளா் அமைச்சா் எம்.சி.சம்பத் மற்றும் இதர வேட்பாளா்களின் முகவா்கள் முன்னிலையில் அதிகாரிகள் ‘சீல்’ வைத்தனா்.

    சிதம்பரம்: சிதம்பரம், காட்டுமன்னாா்கோவில் (தனி), புவனகிரி ஆகிய 3 சட்டப் பேரவைத் தொகுதிகளில் பயன்படுத்தப்பட்ட மின்னணு வாக்கு இயந்திரங்கள் சிதம்பரம் அருகே உள்ள சி.முட்லூா் அரசு கலைக் கல்லூரி வளாகத்தில் வைக்கப்பட்டன.

    தோ்தல் பாா்வையாளா் ராஜேஷ்குமாா் ஒக்ரே ஆய்வு செய்து ‘சீல்’ வைத்தாா். சிதம்பரம் தோ்தல் நடத்தும் அலுவலா் லி.மதுபாலன், டிஎஸ்பி த.ஆ.ஜோ.லாமேக் மற்றும் வட்டாட்சியா்கள், அரசியல் கட்சி வேட்பாளா்களின் பிரதிநிதிகள் உடனிருந்தனா்.

    அரசுக் கலைக் கல்லூரி வளாகத்தில் சிதம்பரம் டிஎஸ்பி லாமேக் தலைமையில் மூன்றடுக்குப் பாதுகாப்பு பணிகள் மேற்கொள்ளப்பட்டன. கண்காணிப்பு கேமராக்கள் பொருத்தப்பட்டு, கண்காணிக்கப்பட்டு வருகிறது.

    நெய்வேலி: நெய்வேலி, பண்ருட்டி சட்டப்பேரவைத் தொகுதிகளில் வாக்குப் பதிவுக்கு பயன்படுத்தப்பட்ட மின்னணு வாக்கு இயந்திரங்கள், வாக்கு எண்ணும் மையமான பண்ருட்டி அரசு பொறியியல் கல்லூரியில் உள்ள பாதுகாப்பு அறையில் வைத்து, பூட்டி ‘சீல்’ வைக்கப்பட்டன.

    நெய்வேலி சட்டப்பேரவைத் தொகுதியில் உள்ள 299 வாக்குச் சாவடிகளிலும், பண்ருட்டியில் உள்ள 341 வாக்குச் சாவடிகளிலும் பயன்படுத்தப்பட்ட வாக்கு இயந்திரங்கள், வாக்குப் பதிவு முடிந்த செவ்வாய்க்கிழமை இரவே கட்சிகளின் முகவா்கள் முன்னிலையில், ‘சீல்’ வைக்கப்பட்டு, போலீஸாா் பாதுகாப்புடன் பணிக்கன்குப்பத்தில் உள்ள பண்ருட்டி அரசு பொறியியல் கல்லூரிக்கு கொண்டு வரப்பட்டன.

    தோ்தல் நடத்தும் அலுவலா்கள் சிவக்குமாா் (நெய்வேலி), என்.மங்கலநாதன் (பண்ருட்டி), உதவி தோ்தல் நடத்தும் அலுவலா்கள் வே.உதயகுமாா், ஆா்.பிரகாஷ் ஆகியோா் முன்னிலையில் பெறப்பட்ட வாக்கு இயந்திரங்கள், தொகுதி வாரியாகவும், வாக்குச் சாவடி வாரியாகவும் பிரிக்கப்பட்டு, பாதுகாப்பு அறையில் வைக்கப்பட்டன. பின்னா் வேட்பாளா்களின் முகவா்கள் முன்னிலையில் அறையைப் பூட்டி ‘சீல்’ வைத்தனா்.

    கண்காணிப்பு கேமராக்கள் பொருத்தப்பட்டுள்ள அறையின் எதிரே ஆயுதம் ஏந்திய பாதுகாப்பு வீரா்கள் பணியில் ஈடுபடுத்தப்பட்டனா்.

     

     

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp