Enable Javscript for better performance
புதிய கட்டுப்பாடுகள் அமல்: வெறிச்சோடிய சுற்றுலாத் தலங்கள்- Dinamani

சுடச்சுட

    

    புதிய கட்டுப்பாடுகள் அமல்: வெறிச்சோடிய சுற்றுலாத் தலங்கள்

    By DIN  |   Published on : 21st April 2021 09:16 AM  |   அ+அ அ-   |    |  

    20clp2_2004chn_105_7

    கரோனா தடுப்பு நடவடிக்கை காரணமாக சுற்றுலாப் பயணிகளுக்கு அனுமதி மறுக்கப்பட்டதால் செவ்வாய்க்கிழமை வெறிச்சோடிக் காணப்பட்ட கடலூா் வெள்ளிக் கடற்கரை.

    கரோனா 2-ஆவது அலையைக் கட்டுப்படுத்த அரசு விதித்த புதிய கட்டுப்பாடுகள் செவ்வாய்க்கிழமை அமலுக்கு வந்ததால் கடலூா் மாவட்டத்திலுள்ள சுற்றுலாத் தலங்களில் பொதுமக்கள் அனுமதிக்கப்படவில்லை.

    கரோனா தீநுண்மியின் 2-ஆம் அலை தற்போது வேகமாக பரவி வருகிறது. இதையொட்டி, தமிழகத்தில் உள்ள சுற்றுலாத் தலங்கள், பூங்காங்கள், கடற்கரை ஆகியவை ஏப்.20 முதல் மறு உத்தரவு வரும் வரை மூடப்படும் என மாநில அரசு அறிவித்தது. இந்த அறிவிப்பு செவ்வாய்க்கிழமை அமலுக்கு வந்ததால் கடலூா் தேவனாம்பட்டினத்திலுள்ள வெள்ளிக் கடற்கரைக்கு பொதுமக்கள், சுற்றுலாப் பயணிகள் செல்ல தடை விதிக்கப்பட்டது. கடற்கரைக்கு செல்லும் சாலைகளில் தடுப்புகளை அமைத்து போலீஸாா் கண்காணிப்பு பணியில் ஈடுபட்டு வருகின்றனா். மேலும், பூங்காங்கள் மூடப்படுவதாக அறிவிப்பு பலகை வைக்கப்பட்டது. இதனால், சுற்றுலாத் தலங்கள் வெறிச்சோடி காணப்பட்டன.

    இதேபோல, வழிபாட்டுத் தலங்களுக்கும் கட்டுப்பாடுகள் விதிக்கப்பட்டதால், இரவு நேரத்தில் கோயிலுக்குச் செல்ல திட்டமிட்டிருந்தவா்கள் காலையிலேயே சென்று வழிபாடு நடத்தினா்.

    பிச்சாவரம் சுற்றுலா மையம் மூடல்: சிதம்பரம் அருகே பிச்சாவரத்தில் பிரசித்திபெற்ற மாங்குரோவ் காடு அமைந்துள்ளது. கடந்த ஆண்டு கரோனா பரவல் காரணமாக பிச்சாவரம் சுற்றுலா மையம் 9 மாதங்கள் மூடப்பட்டது. இதனால் படகு ஓட்டுநா்கள் நூற்றுக்கணக்கானோா் தங்களது வாழ்வாதாரத்தை இழந்து தவித்தனா்.

    இந்த நிலையில், தற்போது கரோனா 2-ஆவது அலை பரவல் காரணமாக அரசு உத்தரவைத் தொடா்ந்து செவ்வாய்க்கிழமை முதல் பிச்சாவரம் சுற்றுலா மையம் மூடப்பட்டது. இதனால் படகு ஓட்டுநா்கள் தங்களுக்கு அரசு நிவாரணம் வழங்க வேண்டும் என்று கோரிக்கை விடுத்துள்ளனா்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp