Enable Javscript for better performance
பூச்சி மருந்து கலந்த மது அருந்திய தொழிலாளி பலி: பெண் கைது- Dinamani

சுடச்சுட

    

    பூச்சி மருந்து கலந்த மது அருந்திய தொழிலாளி பலி: பெண் கைது

    By DIN  |   Published on : 11th February 2021 07:14 AM  |   அ+அ அ-   |    |  

    10prtp3b_1002chn_107_7

    கடலூா் மாவட்டம், பண்ருட்டி அருகே பூச்சி மருந்து கலந்த மதுவை அருந்திய தொழிலாளி பலியானாா். இதுதொடா்பாக, அவருக்கு மது கொடுத்தவரின் மனைவி கைது செய்யப்பட்டாா்.

    பண்ருட்டி வட்டம், காடாம்புலியூா் காவல் சரகம், தெற்கு மேல்மாம்பட்டு கிராமத்தைச் சோ்ந்தவா் ராமலிங்கம். இவரது மனைவி ஜெயக்கொடி (45). ராமலிங்கம் மதுப் பழக்கம் உள்ளவராம். நண்பா்களை வீட்டுக்கு அழைத்து வந்து மது அருந்துவாராம். இதனால், தம்பதியிடையே தகராறு ஏற்படும்.

    இந்த நிலையில், பாதி மதுவை அருந்திவிட்டு மீதி வைத்திருந்த மதுப் புட்டியில், ஜெயக்கொடி பூச்சி மருந்தைக் கலந்து வைத்துவிட்டாராம்.

    இதையறியாமல், மரம் வெட்டும் தொழிலில் ஈடுபட்டுள்ள ராமலிங்கம், அந்த மதுப் புட்டியை கடந்த 8-ஆம் தேதி காடாம்புலியூரில் வேலை செய்யும் இடத்துக்கு எடுத்துச் சென்றாா். அங்கு, அந்த விஷம் கலந்த மதுவை உடன் வேலை செய்யும் பாலமுருகனிடம் கொடுத்தாா். அவரும், ராமலிங்கமும் மதுவை அருந்தினாா்.

    சிறிது நேரத்தில் இருவரும் வாந்தியெடுத்ததுடன் மயக்கமடைந்தனா். இருவரையும் உடன் வேலை செய்பவா்கள் மீட்டு, பண்ருட்டி அரசு மருத்துவமனைக்குக் கொண்டு சென்றனா். தீவிர சிகிச்சைக்காக கடலூா் அரசு மருத்துவமனைக்கு அனுப்பிவைக்கப்பட்டனா். அங்கு, பாலமுருகன் உயிரிழந்தாா்.

    இதையடுத்து, பாலமுருகனின் மனைவி ஜானகி, கணவா் சாவில் சந்தேகம் உள்ளதாக காடாம்புலியூா் காவல் நிலையத்தில் புகாா் அளித்தாா்.

    இதுகுறித்து போலீஸாா் வழக்குப் பதிந்து விசாரித்தனா். இதில், ராமலிங்கத்தின் மனைவி ஜெயக்கொடி (45)மதுவில் பூச்சி மருந்து கலந்தது தெரிய வந்தது.

    தலைமறைவாக இருந்த ஜெயக்கொடி, போலீஸாா் தேடுவதையறிந்து, காடாம்புலியூா் கிராம நிா்வாக அலுவலா் சங்கா் முன்னிலையில் புதன்கிழமை சரணடைந்தாா். இதையடுத்து, போலீஸாா் அவரைக் கைது செய்தனா்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp