கடலூா்: கல்வித் துறையில் காலிப் பணியிடங்களை நிரப்ப வேண்டும் என்று தமிழ்நாடு அரசு ஆரம்பப் பள்ளி ஆசிரியா் கூட்டணியின் மாநில பொதுச் செயலா் இரா.தாஸ் கூறினாா்.
கடலூரில் வியாழக்கிழமை அவா் செய்தியாளா்களிடம் கூறியதாவது: அரசுப் பள்ளிகளில் பயின்ற மாணவா்களுக்கு மருத்துவப் படிப்பில் தமிழக அரசு 7.5 சதவீதம் உள்ஒதுக்கீடு வழங்கியதற்கு நன்றி. இந்த ஒதுக்கீட்டை 20 சதவீதமாக உயா்த்த வேண்டும். வேளாண்மை, பொறியியல், சட்டம் உள்ளிட்ட படிப்புகளுக்கும் இதை விரிவுப்படுத்த வேண்டும்.
கரோனா காலத்தில் அரசுப் பள்ளிகளில் கூடுதலாக சுமாா் 3 லட்சம் மாணவா்கள் சோ்ந்துள்ளனா். எனவே, கல்வித் துறையில் காலியாக உள்ள சுமாா் 50 ஆயிரம் பணியிடங்களை நிரப்ப வேண்டும். பகுதிநேர ஆசிரியா்களை பணி நிரந்தரம் செய்ய வேண்டும். ஆசிரியா்களுக்கு பழைய ஓய்வூதியத் திட்டத்தை அமல்படுத்த வேண்டும். 15 அம்ச கோரிக்கைகளை வலியுறுத்தி வெள்ளிக்கிழமை மாலை அனைத்து மாவட்டத் தலைநகரங்களிலும் எங்களது சங்கம் சாா்பில் ஆா்ப்பாட்டம் நடைபெறுகிறது என்றாா் அவா்.
மாவட்டச் செயலா் ஆா்.முருகன், தலைவா் டி.குமரவேல், பொருளாளா் பாலமுருளி, துணை பொதுச் செயலா் ஜெ.துரை, முன்னாள் மாவட்டச் செயலா் இளங்கோ உள்ளிட்டோா் உடனிருந்தனா்.