கோரிக்கைகளை வலியுறுத்தி, தமிழ்நாடு அரசுப் பணியாளா்கள் சங்கத்தினா் கடலூரில் வெள்ளிக்கிழமை சாலை மறியலில் ஈடுபட்டனா்.
அரசுப் பணியாளா்களுக்கு 21 மாத ஊதியக் குழு நிலுவைத் தொகையை வழங்க வேண்டும், பழைய ஓய்வூதியத் திட்டத்தை அமல்படுத்த வேண்டும், நியாயவிலைக் கடைப் பணியாளா்களுக்கு நுகா்பொருள் வாணிபக் கழகத்தினருக்கு இணையான ஊதியம், நுகா்பொருள் விநியோகத்துக்கு தனித் துறை, நிரந்த ஊதிய விகிதம் இல்லாத சத்துணவு, அங்கன்வாடி, ஊரக வளா்ச்சித் துறை, காவல் துறை, துப்புரவுப் பணியாளா்கள், தூய்மைக் காவலா்கள், மேல்நிலை நீா்த்தேக்கத் தொட்டி இயக்குபவா்கள் மற்றும் அனைத்துத் துறை துப்புரவுப் பணியாளா்களுக்கும் நிரந்தர காலமுறை ஊதியம் வழங்க வேண்டும் என்பன உள்ளிட்ட 25 அம்சக் கோரிக்கைகளை வலியுறுத்தி, தமிழ்நாடு அரசுப் பணியாளா்கள் சங்கத்தினா் மாநிலம் தழுவிய சாலை மறியல் போராட்டத்தை அறிவித்தனா்.
அதன்படி, கடலூரில் மாவட்ட ஆட்சியா் பழைய அலுவலகம் அருகே சங்கத்தின் மாநில துணைத் தலைவா் கு.சரவணன் தலைமையில் வெள்ளிக்கிழமை ஆா்ப்பாட்டத்தில் ஈடுபட்டனா். மாநில துணைத் தலைவா்கள் கோ.சீனிவாசன், துரை.சேகா், டாஸ்மாக் பணியாளா் சங்க மாவட்டத் தலைவா் சி.அல்லிமுத்து, நியாயவிலைக் கடை பணியாளா் சங்க மாவட்ட துணைச் செயலா் ஆா்.தேவராஜ் ஆகியோா் முன்னிலை வகித்தனா். இதையடுத்து சங்கத்தினா் அந்தப் பகுதியில் சாலை மறியலில் ஈடுபட்டனா். இதில் பங்கேற்ற மாநில நிா்வாகிகள் ஆா்.ஞானஜோதி, ஏ.சுந்தரமூா்த்தி, மாவட்ட நிா்வாகிகள் கே.ஆா்.தங்கராசு, ஆா்.தெய்வசிகாமணி, கே.நடராஜன், முன்னாள் மாவட்டச் செயலா் மு.ராசாமணி உள்பட 90 பேரை போலீஸாா் கைதுசெய்து தனியாா் மண்டபத்தில் அடைத்தனா். பின்னா் அனைவரையும் மாலையில் விடுவித்தனா்.