குழந்தையைக் கொன்ற தந்தை கைது

சிதம்பரம்: சிதம்பரம் அருகே பிறந்து சில நாள்களே ஆன குழந்தையைக் கொன்ற தந்தையை போலீஸாா் வியாழக்கிழமை கைதுசெய்தனா்.

கடலூா் மாவட்டம், சிதம்பரம் அருகே உள்ள சாக்காங்குடியைச் சோ்ந்தவா் ஏழுமலை என்ற ராஜூ (35) (படம்). லாரி ஓட்டுநா். இவரது மனைவி சிவரஞ்சனி (24). இவருக்கு அண்மையில் ஆண் குழந்தை பிறந்தது. சிவரஞ்சனி குழந்தையுடன் வீடு திரும்பினாா். ஆனால், குழந்தையின் நிறம் இருவரது நிறத்துடனும் ஒத்ததாக இல்லை எனக்கூறி, சிவரஞ்சனியின் நடத்தையில் சந்தேகமடைந்து ஏழுமலை தகராறு செய்தாா்.

இந்த நிலையில், புதன்கிழமை இரவு மதுபோதையில் வந்த ஏழுமலை சிவரஞ்சனியிடம் மீண்டும் தகராறில் ஈடுபட்டாா். பின்னா், நள்ளிரவில் தனது மனைவி தூங்கிய பிறகு குழந்தையின் கழுத்தை நெரித்துக் கொலை செய்தாா். இதுகுறித்து சிவரஞ்சனி ஒரத்தூா் காவல் நிலையத்தில் புகாா் அளித்தாா்.

இதையடுத்து போலீஸாா் குழந்தையின் சடலத்தைக் கைப்பற்றி உடல்கூறாய்வுக்காக சிதம்பரம் அரசு மருத்துவமனைக்கு அனுப்பி வைத்தனா். ஏழுமலையிடம் போலீஸாா் நடத்திய விசாரணையில் குழந்தையைக் கொன்றதை ஒப்புக்கொண்டாா். இதையடுத்து அவரை போலீஸாா் கைதுசெய்தனா்.