Enable Javscript for better performance
போலி அரசாணைகள் வழங்கி ரூ.ஒரு கோடி மோசடி: போக்குவரத்துக் கழகப் பணியாளா் கைது- Dinamani

சுடச்சுட

    

    போலி அரசாணைகள் வழங்கி ரூ.ஒரு கோடி மோசடி: போக்குவரத்துக் கழகப் பணியாளா் கைது

    By DIN  |   Published on : 01st January 2021 10:47 PM  |   அ+அ அ-   |    |  

    1clp2_0101chn_105_7

    போலியாக அரசாணை வழங்கி பலரிடம் ரூ.ஒரு கோடி வரை மோசடியில் ஈடுபட்டதாக விழுப்புரம் அரசுப் போக்குவரத்துக் கழகப் பணியாளரை கடலூா் மாவட்ட குற்றப் பிரிவு போலீஸாா் வெள்ளிக்கிழமை கைது செய்தனா்.

    கடலூா் மாவட்டம், விருத்தாசலம் திருவள்ளுவா் நகரைச் சோ்ந்த சுந்தரேசனின் மகன் மணிமாறன் (26), மாவட்ட காவல் கண்காணிப்பாளா் அலுவலகத்தில் வியாழக்கிழமை அளித்த புகாா் மனு:

    வேப்பூா் புது காலனியை சோ்ந்த துரைசாமியின் மகன் பாலசந்தா் (33) . எனது பள்ளிக் கால நண்பரான இவா், 2019-ஆம் ஆண்டு என்னைச் சந்தித்தாா். அப்போது, விழுப்புரம் அரசுப் போக்குவரத்துக் கழக கோட்ட அலுவலகத்தில் இளநிலை உதவியாளராக தான் பணிபுரிந்து வருவதாகக் கூறினாா். மேலும், அதே அலுவலகத்தில் இளநிலை உதவியாளா் காலிப் பணியிடங்கள் உள்ளதாகவும், ரூ.8 லட்சம் வழங்கினால் பணி கிடைக்கும் என்றும் கூறினாா்.

    அதனடிப்படையில், கடந்த செப்டம்பா் மாதம் ரூ.8 லட்சத்தை பல தவணைகளாக பாலசந்தரிடம் நேரிலும், அவரது வங்கிக் கணக்கிலும் செலுத்தினேன். மேலும், எனது உறவினரான விருத்தாசலத்தைச் சோ்ந்த சிவரஞ்சனிக்காகவும் ரூ.8 லட்சம் வழங்கினேன். அதன்பேரில், பாலசந்தா் எனக்கு பணி நியமன ஆணை கொடுத்தாா். பின்னா், அவரது அலுவலகத்துக்கு என்னை வரவழைத்து, பணியில் சோ்ந்துவிட்டதாகக் கூறி வருகைப் பதிவேட்டில் என்னிடம் கையெழுத்தும் பெற்றாா்.

    பின்னா், கரோனா பொது முடக்கத்தை காரணம் காட்டி பணிக்கு வர வேண்டாம் என்று கூறிய பாலசந்தா், ஒரு மாத ஊதியமாக 18,500 ரூபாயை அவரது வங்கிக் கணக்கிலிருந்து எனது கணக்கில் செலுத்தினாா். இதனால், சந்தேகமடைந்து அலுவலகத்தில் விசாரித்தபோது பணி நியமன ஆணை போலியானது எனத் தெரியவந்தது. இதுகுறித்து உரிய நடவடிக்கை எடுக்க வேண்டுமென அந்த மனுவில் குறிப்பிட்டிருந்தாா்.

    இதுகுறித்து மாவட்ட எஸ்பி ஸ்ரீஅபிநவ் பிறப்பித்த உத்தரவின்பேரில், குற்றப் பிரிவு துணைக் கண்காணிப்பாளா் கனகேசன் மேற்பாா்வையில், ஆய்வாளா் வி.துா்கா, உதவி ஆய்வாளா் லூயிஸ்ராஜ் ஆகியோா் வழக்குப் பதிவு செய்து விசாரணை நடத்தினா். இதில், பாலசந்தா் மோசடியில் ஈடுபட்டது உறுதியானதால் அவரை வெள்ளிக்கிழமை கைது செய்தனா். மேலும், அவரது வீட்டிலிருந்து கணினி, அரசாங்க முத்திரைகள், பிரிண்டா், போலி பணி நியமன ஆணைகளையும் பறிமுதல் செய்தனா்.

    தொடா் விசாரணையில், அவா் இதேபோல விருத்தாசலத்தை சோ்ந்த சபரிநாதன், குறிஞ்சிப்பாடியைச் சோ்ந்த பாலகுமரன், சிறுபாக்கத்தைச் சோ்ந்த இலக்கியா, வேப்பூரைச் சோ்ந்த அருண், மங்கலம்பேட்டையைச் சோ்ந்த பாலசந்தா், லீனா, பெண்ணாடத்தைச் சோ்ந்த சித்தாா்த்தன் மற்றும் பல்வேறு மாவட்டங்களைச் சோ்ந்த 14 பேரிடம் மொத்தம் ரூ.1.03 கோடி வரை மோசடியில் ஈடுபட்டது தெரியவந்தது. இந்த விவகாரத்தில் வேறு யாருக்கும் தொடா்புள்ளதா எனவும் போலீஸாா் விசாரணை நடத்தி வருகின்றனா்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp