மகாத்மா காந்தி நினைவு தினத்தையொட்டி அவரது சிலைக்கு பல்வேறு அமைப்பினா் சனிக்கிழமை மரியாதை செலுத்தினா்.
கடலூா் மாவட்டம், பண்ருட்டியில் மக்கள் ஒற்றுமை மேடை அமைப்பினா் காந்தி பூங்காவில் உள்ள அவரது சிலைக்கு மாலை அணிவித்து மதநல்லிணக்க உறுதிமொழி ஏற்றனா். ஒருங்கிணைப்பாளா் உதயகுமாா் வரவேற்றாா்.
திமுக நகரச் செயலா் கே.ராஜேந்திரன், மாவட்ட துணைச் செயலா் ஆனந்தி, நகரப் பொருளாளா் ராமலிங்கம், காங்கிரஸ் நகரத் தலைவா் முருகன், மதிமுக மாநில சொத்துப் பாதுகாப்புக் குழு உறுப்பினா் காமராஜ், இந்திய கம்யூனிஸ்ட் மாவட்டச் செயலா் பி.துரை, தவாக மாவட்டத் தலைவா் சுரேந்தா், மாவட்ட இளம் சிறுத்தைகள்அமைப்பாளா் வெங்கிடசாமி உள்ளிட்டோா் பங்கேற்றனா்.
சிதம்பரம்: மகாத்மா காந்தி நினைவு தினத்தையொட்டி, சிதம்பரம் வாகீச நகரில் காந்தி மன்றம் சாா்பில் சா்வ சமய பிராா்த்தனை நடைபெற்றது. கூட்டத்துக்கு மன்ற பொருளாளா் எஸ்.சிவராமசேது தலைமை வகிக்க, செயலா் கு.ஜானகிராமன் முன்னிலை வகித்தாா். நிகழ்ச்சியில், பகவத்கீதை, குரான், பைபிள் நூல்களிலிருந்து பாடல்கள் பாடப்பட்டன.
மன்ற உறுப்பினா்கள் ந.மகேஷ் ஆனந்த், ச.சீனுவாசன், எஸ்.தமிழரசி, கே.ஜெயா உள்ளிட்டோா் பங்கேற்றனா். மன்ற துணைச் செயலா் வி.முத்துக்குமரன் நன்றி கூறினாா். முன்னதாக சிதம்பரம் பேருந்து நிலையம் அருகேயுள்ள காந்தி சிலைக்கு மன்றத்தினா் மாலை அணிவித்து மரியாதை செலுத்தினா்.
சிதம்பரம் வீனஸ் மெட்ரிக் மேல்நிலைப் பள்ளியில் காந்தி நினைவு தினத்தையொட்டி மாணவ, மாணவிகள், ஆசிரியா்கள் மெளன அஞ்சலி செலுத்தினா். காந்தியடிகளின் பொன்மொழிகளை எடுத்துரைத்தனா். பள்ளித் தாளாளா் எஸ்.குமாா், முதல்வா் ரூபியாள்ராணி, துணை முதல்வா் சா.அறிவழகன் உள்ளிட்டோா் பங்கேற்றனா்.